Mistari Maarufu ya Biblia kutoka Mark 4

Shirikisha

Na onyanee no, ɔbraa mframa no, na ɔsee po no dɛ, Taa dzinn! Na mframa no dwee, na ɔyɛɛ dzinn koraa. Na ɔsee hɔn dɛ, Ebɛnadze ntsi na hom yɛ ehufo dɛm yi? Ana hom da ho nnyi gyedzi?

Na wosuroo pii, na wɔsesee hɔnho dɛ, Woana nye yi a mframa na po mpo wotsie n’asɛm yi?

Nna Jesus dze, ɔwɔ hɛntu ada wɔ sundze do; na wonyaan no na wɔsee no dɛ, Kyerɛkyerɛfo, ɔnnyɛ wo asɛm dɛ yɛremem?

Na ɔsee hɔn dɛ, Hom nhwɛ dza hom tse no yie: esusudze kor a hom dze susu no, wɔdze bosusu ama hom, na wɔdze bi bɛka hom ho.

Na ɔsee dɛ, Mbrɛ Nyankopɔn n’ahenman tse nye yi, dɛ nyimpa bogu aba wɔ famu; na ɔbɛda na obenyan adzesaa nye adzekyee, na aba no befifir na oenyin, na onnyim mbrɛ ɔyɛe.

Sɛ obi wɔ aso a wɔdze tsie a, ma ontsie.