Mistari Maarufu ya Biblia kutoka Markus 6

Shirikisha

Nto'u toe, wori' lia tauna to hilou–tumai, alaa-na ntahawe' ngkoni' neo' uma-pi ria loga-ra. Toe pai' na'uli' Yesus hi topetuku'-na: ”Kita hilou hi kawaoa'-na mpalahii tauna to wori', bona ma'ala-ta mento'o hampai'.”

Ngkai ree, Yesus mpo'uli'-raka: ”Hadua nabi bate rabila' hiapa kahilouaa-na. Aga hi ngata-na pai' tomi-na, pai' dohe ompi'-na moto, uma lau-i rabila'.”

Pehompo-na Yesus ngkai sakaya, nahilo-hawo wori' tauna mpopea-i. Metumu'-mi ahi'-na mpohilo-ra, apa' hiloa-ra hewa bima to uma te'ewu. Kanatudui'-rami wori' nyala.

Jadi', Yesus mpokehele-ra apa' uma-ra mepangala'. Toe pai' uma-i bisa mpobabehi wori' anu mekoncehi hi ria. Sampale to nababehi, mpojama ba hangkuja dua topeda' bona mo'uri'-ra. Yesus modao' mpokinomo ngata–ngata pai' mpotudui' tauna.

Oti toe, na'ala'-mi roti to lima meha' pai' uru to rongkaju, pai'-i ngkongoa' hi langi' mosampaya. Oti toe, napihe–pihe-mi roti, pai' nawai'-raka ana'guru-na bona rabagi hi ntodea. Pai' uru to rongkaju, nabagi wo'o-raka omea. Ngkoni' omea-ramo duu'-ra bohu. Ka'oti-ra ngkoni', rarumpu-mi toro-na roti pai' bau', hampulu' roluncu-pi.