Mistari Maarufu ya Biblia kutoka Lúù 12

Shirikisha

Ka bɛ̃̀ɛ̃, ka pɛ̀ kɛɛ̀ è kɛá nɔ́ kíli, ɓii Mi Gbe lɛ́ɛ̀ lo nuù lúó lɛ́ ka yɛ́lɛ́ lɛ̀ɛ́ ló kɛɛ̀á à gɛ̀nɛ̀ɛ ká.”

Kɛɛ pɛ lɛ́ lɛ à mɔ̀ à wɔ̃̀ é die ka zò káa, lɛ́ e kélɛ̀, Wálà zì tò‐mia‐làa. Yé aà kɛ kília, lɛ́ɛ̀ lo pɔɔ̀ nì e kília nɔɔ̀ ka lɛ̀ɛ.

A gèe o séĩ́ o lɛ̀ɛ kélɛ̀, “Kà ka yɛ́lɛ́ kɛ ka dìè píé, ɛ̃́ɛ̃́ kà lɛ̀ gɛ̃̀ ka dìè là pɛ séĩ́ lɔ̀‐kpɔ̀ mi mɔ̀ mɔ́ɔ̀ wɔ̃̀ mɔ̀. Ƃii mi zì kɛ̀ɓe kpó‐kpó kɛɛ̀ wá pɔɔ̀ lɛ́ e i kɛ̀lɛ̀ɛ ká, yé bɛ̃̀ɛ̃ o kù lɛ gbùòa ká.”

Ƃii lɛ̀ lɛ́ kà dɔ‐pɔ̀ɔ̀ lɛ yía, ka zò lɛ̀ɛ́ wɛ̀lɛ̀ à lɛ̀ mɔ̀.

Kɛɛ yé ka dò aà e zò gɔ̃́ e zì kɛ̀ɓe wɛ̃́ĩ̀a, zò‐gɔ̃́ lɛ́ɛ̀ lo à kɛɛ̀, kɛ é yìì ɓéĩ́ ɓo fɛ̃̀ɛ̃̀?

Lɛ̀ e kɛ kília, Zízɛ̀ a gèe là tòà‐píé‐mìà lɛ̀ɛ, “À mɔ́ɔ̀ wɔ̃̀ mɔ̀ɔ, ḿm̀ gèe ka lɛ̀ɛ, yékɛ̀ ká kɛ zò‐gɔ̃́ zɛ̀ léɓèlè lɛ́ kà lo à ɓèlè kɛ ká kɛ ɓe, ɛ̃́ɛ̃́ sɔ lɛ́ kà lo à naà ká dà ka gbĩ‐kpàla mɔ̀ɔ, mɔ́ɔ̀ wɔ̃̀ mɔ̀.

É kɛ bɛ̃̀ɛ̃ wũ lɛ́ e ka wĩĩ́a káa, o séĩ́ o lóníì lɛ. À mɔ́ɔ̀ wɔ̃̀ mɔ̀ɔ, yékɛ̀ ká túó. Ka wɔ̃̀ lɛ dóo kpànazɛ̀, é dieá sòlòũ̀ búnù‐búnùzɛ̀ wɔ̃̀ là.

“Míá ka m̀ ɓáá kù nyɔ̀nɔ́ káa, yékɛ̀ ká túó. Ƃii lɛ́ɛ̀ ka Dàa zò dà kɛ é lɛ̀ dò nɔ ka lɛ̀ɛ mia lɛ́ à tóò lɛ o làa bà.

Gɔ̃̀ã‐gɔ̃̀ã vɔ̀ gɛ̃̀ kà ɓoa, òó ɓu taa bɛ̃̀ɛ̃, kɛ ó gèe óò à kã. Kpàà wà pɔɔ̀‐káá‐kà gbɛɛ wá o kɛ̀lɛ̀. Kɛɛ Wálà lɛ́ɛ̀ léɓèlè nɔ o lɛ̀ɛ. Kɛɛ ka yee, ka dóo kpànazɛ̀, é dieá mɔ̀ɔ̀ vɔ̀ là.

À mɔ́ɔ̀ wɔ̃̀ mɔ̀ɔ, pɛ́ kà lo à ɓèlè, ɛ̃́ɛ̃́ kà lo à miìa, yékɛ̀ à wɔ̃̀ é die ka zò ká. Yékɛ̀ ka lè é dũ.

Wálà lɛ́ è sɔ yélè sùu nì mɔ̀ɔ. Sùu e kília lɛ pɛ́nɛɛ ɓe luú. Kɛɛ yé tòò aà kɛɛ, óò lo à káà tíè. Yé mɔṹ lɛ kília, zi sùu kpɛɛ̀ lɛ́ è lo sɔ yèlèá ka yee ka mɔ̀ ké. Ka zì zò‐dɔ̀à‐mɔ̀ lɛ dóo nyɔ̀nɔ́ kpó‐kpó ɓo.

Pɛ lɛ́ pɛ gbinì lɛ à là dɛɛ káa, pɛ lɛ́ɛ̀ lo ɓoò à là. Ɛ́ɛ̃́ bĩ̀ĩ̀‐wɔ̃̀ séĩ́ lɛ́ɛ̀ lo kɛɛ̀ mia séĩ́ yí‐dɔ‐wɔ̃̀ ká.