Mistari Maarufu ya Biblia kutoka Ŋirom. 2

Shirikisha

Nai iyoŋ ituŋanan ŋini itubonokini ŋulu itiyaete aronis, ido kitiyae iyoŋ daŋ ŋunapei, itami iyoŋ atemar ipedori abucar anatubokino a ŋina ka Akuj a? Kori imenit iyoŋ Akuj aŋuna epoloo nooi arimao ka akidaŋidaŋ ta atitinyikinit keŋ? Nyiyeni iyoŋ atemar erae narimao keŋ ikirikorya iyoŋ Akuj nakiki ŋasecisya a?

Iyoŋ daŋ ŋini itubokini ŋuluce, aŋuna itiyaata ikes aronis, emam ŋakiro ipedorya aiunor bon aneni ka Akuj tari kirae iyoŋ ŋae. Anerae ŋina itubokinia iyoŋ ŋuluce, ido kitiyae iyoŋ daŋ ekatubon ŋunapei, isitakin iyoŋ bon elope.

Anerae, nyetyakatyakat Akuj ŋituŋa.

Anerae, meere ŋulu ekerito Ŋikisila iyookino alokiŋaren Akuj; nai ŋulu itiyaete ŋuna ebasi Ŋikisila, ikes ituruworyo ŋulu iyookino.

Akoloŋit ŋin, eropi Akuj ŋinituŋanan lopite ŋolo itiyator iŋes.

Nai ebuni anyunyura ka aŋoit ŋina ka Akuj neni a ŋulu iwarito ŋuna kec a ŋilopeyek make, toŋerito daŋ ŋuna iyookino, ido kiwuapito ŋuna aronok.

Nai iyakar iyoŋ etau ŋolo ninik ka iwou akiki. Aŋun, italala iyoŋ akisicanio kon a ilope, ŋina ikisicanere iyoŋ Akoloŋit ŋina itoodiunere anyunyura ka atubokino ŋina iyookino ŋina ka Akuj.