Mistari Maarufu ya Biblia kutoka लुका 9

Shirikisha

ईसु आह़फा नी पसळ चालवा वाळा आखाम ने केदो, “जे कोय मारी पसळ आव्‌वा हीन्‌डे, तीहयो आह़फा नो नीकारो करे अने दाड़ीक आह़फा नु कुरुस उचलीन मारी पसळ चाल पड़े।

काहाके जे कोय आह़फा नो जीव बचाड़वा करहे तीहयो तीने खोय देहे, बाखीन जे कोय बी मारी वाटु आह़फा नो जीव खोवहे तीहयोत बचाड़हे।

ईसु तीने केदो, “जे कोय होळ जोपवा करीन होळ धर लेय अने अळी पासो फीरीन भाळे, तीहयो भगवान ना राज नु काम करवा लायक नी हय।”

कदीम माणेह आखी कळजुग ने हात कर लेय, अने आह़फा नो जीव खोय देय नीता आह़फा ना जीव नु नुकसान हये, ता तीने ह़ु फायदो जड़हे?

कदीम कोय मारी ह़ीकापण ने अने मने हुकारीन मानवा मे लजवायहे, ता मनख्‌या नो सोरो बणीन आवण्‌यो बी तीने तीहयी टेमे हुकारीन मानवा मे लजवायहे, जत्‌यार तीहयो आह़फा ना, अने आह़फा ना बाह ना चोखला ह़रगे वाळा दुत नी बड़ाय भेळ आवह़े।

ईसु केदो, “लेंड्‌या ने रेवा करीन तीमना दोरु से अने चड़ा करीन तीमना पोतरा से, बाखीन मनख्‌या ना सोरा करीन मुंडु मेलवा नो लग जागो नी हय।”

अने तीहया चेला ने केदो, “जे कोय मारा नामे आहयु सोरु नो आव-भाव करे, तीहयो मारो आव-भाव करे अने जे मारो आव-भाव करे, तीहयो तीनो आव-भाव करे, जे मने मोकल्‌लो से; काहाके जे तमारी मे आखान नानो से, तीहयोत मोटो से।”