Mistari Maarufu ya Biblia kutoka लुका 12

Shirikisha

तमु बी तीयार रेवो, काहाके जे टेमे तमु तीना आव्‌वा ना बारा मे नी वीच्‌यारो, तीहयीत टेमे मनख्‌या नो बेटो बी आवह़े।”

पण तमु भगवान ना राज ना ह़ोदवाळ्‌या पड़ो, ता तमने आहयी आखी चीज बी जड़ जहे।

तत्‌यार ईसु तीहया माणहु ने केदो, “चेतीन रेवो, अने हयाळ्‌ळा ना बणो! कानो अदमी केतरो बी मालदार हय, हीनो मतलब आहयो नी हय के तीनी उमर वद जहे।”

काहाके जां तमारु धन से तां तमारु मन बी लागलु रेहे।

तमारी मे गेथु आसम कोय से, जे फीकर करीन आह़फा नी जीवाय नी अमाळ बी उमर बड़ाय सके?

तीहयो आह़फा ना चेला ने केदो, “एम करीन मे तमने केम, ह़ु खाय्‌न जीवहु; अने डील पोर ह़ु पेरहु करीन फीकर नी करजो।

होव, तमारा मुंडान आखा नीम्‌बाळा गणायला से। एतरे तमु ना बीहो काहाके तमारो भाव घंचड़ा गेथो वदु से।

ए नान्‌ला टोळा ना माणहु, बीहो ना, काहाके तमारो बाह तमने राज आपवा करीन खुस से।

चड़ा ना बारा मे वीच्‌यार करो; तीहया नी ते वेरे, अने नी ते वाडे; अने नी ते तीमनी पांह दाणा मेलवा ना मोहट्‌या हय; ते बी भगवान तीमने पेट भरीन खवाड़े। तमु ते चड़ा गेथा घणा मोगा से।

एतरे ह़ु खाहु अने ह़ु पीहु करीन खावा-पीवा नी ह़ोद मे ना पड़ो अने कानी बी वात नी फीकर ना करो।

ए वण-भरह्‌या! खेतर नु खोड़ ने लग भगवान एतरु जबर बड़ावे, अने तीहयु घणु घटाळु देखाय, अने जे आज पुरतु लीलुगार से, अने वाहणे ह़ुकीन भाटी मे धपवा जुगु हय जहे। ता तमने तीहयो काहा नी पेरावे?”

आसम कंय बी ह़तायलु नी हय, जे उगाड़ीन उजन्‌तु नी हये, अने आसम कंय बी ह़तायलु नी हय जे कोयने मालम नी पड़े।