Mistari Maarufu ya Biblia kutoka Bụo aRom 5

Shirikisha

Kụ ịdipho aKraist ughol bọ ni iyira aphiemi ghuḍum mọ ọdi kꞌamem dị yira odi ni ẹku ịkaraph kụ iḍeenaan bọ ọdo ẹphomoghian phọ Ẹnaan ịphomoghian bọ iyira.

Oḍuom ologhi phọ ọphon iyira rúbi ghan, ịdi eḍighi bọ Ẹnaan mẹsighe Uwaloor Iigbia phọ ọpo ọdi ụngo bọ iyira ẹloghom iloghi phọ ayira ẹphomoghian phọ ọdi emuzeḍi.

Kụ yira ọḅile ni oboh ghan mem ịiḅaghami, ịdi eḍighi bọ ịiḅaghami rịtughemi ghan iyira ọkparam. Kụ Ẹnaan ighol ọkparam mọ ayira kụ emeeraam bọ mọ ạroozo phọ ayira ẹnighe ni, kụ yira mọtuan ịduon phọ ọmoogh aani oḍuom ologhi.

Sịen Ẹnaan mẹtuan bọ omeeraam mọ ẹsighenom mọ yira awe aruukuan ni, ọdi rꞌayira mọphomoghian odimom ẹepho loor ẹmhu ạJizos Kraist Ọmoogh-we phọ ayira. Ọdi mạtuan omeeraam mọ ayira ụsighe iyira aseere aani dọl dị yira kolegheri aani ọnma ighirigiir phọ Ẹnaan. Ọmoogh ghan iboh, ịdipho yira oḍuom bọ ni ologhi ophin aani abin eegu phọ Ẹnaan.

Kꞌobekemi amem dị ịikpo ọphelaam ẹmhu ayira ị́tol, bịn aKraist aghol li bụphe Ẹnaan úlegheri bọ aphiemi ghuḍum mọ ọdi

Ẹnaan ịtuan ni ịḅaal phọ aKraist kụ ẹsighenom bọ mọ yira awe aruukuan ni; ịkiom nụun ologhi ịdi aKraist kụphel iyira ạsighe mem ạghelhe phọ Ẹnaan.

Ḅịle, ịdipho ọtuan bọ ọḅaar ẹmhu oniin oye kụ ọlogh bọ ḍita phọ ẹku ịkaraph phọ kụ ịdi Ẹnaan kẹtuan osooromi aloor oniin oye ẹlogh ḍita phọ ẹku aruukuan phọ.

Kị́phen bịn. Yira mọtuan Jịzos Kraist Ọmoogh-we phọ ayira ụgba bọ iyira ạphomoghi, ọmoogh iboh esi Ẹnaan.