Mistari Maarufu ya Biblia kutoka GÉNESIS 49

Shirikisha

Judapaj mandana caspitaca manataj quichushca cangachu. Pai mandana varatapish paipaj chaqui chaupimantaca manataj quichushca cangachu. Siloh mandaj shamungacamami tucuicuna paipajllaman tandanacungacuna.

Joseca achca granota p'ucuj yurami canga. Yacu c'uchupi tiyaj yurami canga. Paipaj ramacunaca pata jahuata rijmi canga. Paitaca p'iñachingacunami. Puntajlla caspicunahuanmi shitangacuna. Arcohuan shitajcunami p'iñachingacuna.

Ashtahuanpish paipaj arcoca tucuitami mishanga. Paipaj maquicunaca sinchimi canga. Jacobpaj Sinchi maquicunamantami chashna canga. Israelcunata Michijmanta, israelcunata Pacaj rumimantami chashna canga. Cambaj yayapaj Taita Diosmantami chashna cangui. Paimi cantaca ayudanga. Pailla Tucuita Rurai Tucuj Taita Diosmantami chashna cangui. Paimi cantaca alli cashca cachun ninga. Jahuaman tiyajcunahuanmi alli cashca cachun ninga. Ucuman cajcunahuanmi alli cashca cachun ninga. Huijsamanta, chuchumantami alli cashca cachun ninga.

Judá, cantaca cambaj huauquicunami alabanga. Cambaj maquica canta p'iñajcunapaj jahuapimi canga. Cambaj yayapaj churicunaca cambaj ñaupajpimi cumuringacuna. Judaca huahua leonmi. Ñuca huahualla, aichata japishpami huichiyarcangui. León shinallatajmi curpayashpa siringui. Jatun leonta shinallataj ¿pitaj rijchachi tucungari?

Rubén, canca ñuca punta churimi cangui. Ñuca c'ari c'ari cashcata ricuchij ñuca punta fuerzarishcami cangui. Canmi alli nishca canatapish, mandana podertapish charircangui. T'imburicuj yacu shina cashcamanta ña mana punta churichu cangui. Yayapaj camaman huichiyashcamanta ña mana punta churichu cangui. Camaman huichiyashpa ñucata yanganchishcamanta ña mana punta churichu cangui.