Mistari Maarufu ya Biblia kutoka HECHOS 20

Shirikisha

Chashna trabajashpa mana charijcunaman cushpa ricuchishpami yachachicurcanilla. “Imatapish cujmi, cushcata japijta yalli cushicun” nishpa Mandaj Jesús nishcatapish yuyaringuichij”– nircami.

Ashtahuanpish chaicunataca mana manchanichu. Ñuca causaitapish mana c'uyanichu. Chaipaj randica Taita Diosca mana c'uyaipajta c'uyaj cashca alli huillaita huillashpa, Mandaj Jesuspajta rurangapaj chasquishcata cushicushpa pajtachina yuyaillami cani.

Mandaj Jesusca paipaj yahuarta jichashpami cancunataca randirca. Chaimanta cancunallatajpish alli cuidaringuichij. Cancunaman mingashca ovejacunatapish alli cuidanguichij. Cancunataca Taita Diospaj tandacushca crijcunata michij obispo cachunmi, jucha illaj Espirituca churarca.

“Cunanca huauquicuna, Taita Diosmanpish, mana c'uyaipajta c'uyaj paipaj alli huillaimanpishmi cancunataca mingani. Chai alli huillaimi cancunataca ashtahuan ashtahuan sinchiyachishpa catinga. Jucha illajta rurashcacunapura japina cashcatapishmi tucuicunaman cunga.