Mistari Maarufu ya Biblia kutoka Левито 26

Shirikisha

и Мэ ява́ва тэ псирав машки́р тумэ́ндэ, и Мэ ява́ва тумарэ́ Дэвлэ́са, а тумэ́ явэ́на Мирэ́ мануша́.

тэды Мэ да́ва тумэ́нгэ брышында дрэ пэ́скиро часо (цы́ро), и пхув дэ́ла пэ́скирэ барьякирдэ́ (пло́ды), и фэлды́тка вэша́ дэ́на пэ́скиро барьякирдо́ (пло́до)

Ко́ли тумэ́ явэ́на тэ кэрэ́н пир Мирэ́ упхэныбэна́, и Мирэ́ припхэныбэна́ явэ́на тэ ракхэ́н и тэ кэрэ́н пир лэ́ндэ

Мэ бичхава́ва рама́нё (миро) пэ тумари́ пхув, тумэ́ пасёна тэ совэн, и нико́н тумэн на страхакирэла, Мэ традава криг мижэхонэ рискирибна́скирэ мурдалэ́н (зверен) тумарэ́ пхувья́тыр, и курта́ла на проджа́ла пир тумари́ пхув.

Мэ подыкхава пэ тумэ́ндэ, и бутэ́-бияныбнытконэнца (плодороднэнца) Мэ кэра́ва тумэн, и Мэ бутырьякирава бут тумэн, и Мэ ява́ва твардо (би кунипнаскиро) дрэ Миро завето (доракирибэ́н) тумэ́нца

Мэ сом Рай Дэвэ́л, тумаро́ Дэвэ́л, Саво́ вылыджия́ тумэн Египто́скирэ пхувья́тыр, соб (кай) тумэ́ тэ на явэ́н одо́й писхарье́нца, и тэ пхагирав састыра́ тумарэ́ ґамостыр, и Саво́ лыджия́ тумэн заґаздынэ шэрэ́са.

и Мэ чхува́ва Мири́ ша́тра (кхэр) машки́р тумэ́ндэ, и Миро дескэ тумэ́ на явэ́на джунгалэ́ (стэтка)

На кэрэ́н пэ́скэ вычхудэ́ образы (кумиры) и вычхиндлэ́ муя́ (изваянии), и сты́лбы на чхувэ́н пэ́стэ, и бара́ вычхиндлэ́ муенца на чхувэ́н пэ тумари́ пхув, соб (кай) тэ на бандён анги́л лэ́ндэ, пал-дова́ Мэ сом Рай Дэвэ́л, тумаро́ Дэвэ́л.

и тумэ́ явэ́на тэ хан пхурано́ явирэ-бэршытко, и вычхурдэна пхурано́ ваш нэво́

И пандж тумэ́ндыр протрадэна шэл манушэ́н, и шэл тумэ́ндыр протрадэна бут вэргэ́н кэ калыпэ́н, и пэрэ́на тумарэ́ вэ́рги анги́л тумэ́ндэ куртала́тыр.

и укэдыибэн маритко явэ́ла тэ доджал тумэ́ндэ кэ винаградоскиро скэдыибэ́н, а винаградоскиро скэдыибэ́н явэ́ла тэ доджал кэ сеиныбэн, и явэ́на тэ хан пэ́скиро маро́ чалэ́с, и явэ́на тэ дживэ́н пэ тумари́ пхув штылыткэс (бидаракирэс).

И тумэ́ явэ́на тэ традэ́н тумарэн вэргэ́н, и пэрэ́на ёнэ анги́л тумэ́ндэ куртала́тыр

Ракхэ́н са́ваты (суботы) Мирэ́ и дэн паты́в кэ свэ́нто Миро штэ́то. Мэ сом Рай Дэвэ́л.