Mistari Maarufu ya Biblia kutoka Mark 12

Shirikisha

Tena kito Jisas ki meake, “Te tuaa e hakanaaniu raa e mee peenei: ‘Hakallono mai Israel hakaatoa! TeAriki TeAtua taatou raa ko TeAtua hokotahi koi. Laoi TeAriki TeAtua kootou raa ma na hatu manava kootou, na anana kootou, na hakataakoto kootou ia ma na mahi kootou.’ Te tuaa hakarua e hakanaaniu raa e mee peenei, ‘Laoi alaa tama pera ma kootou e laoi kootou hokkootou.’ Se hai tuaa e hakanaaniu i aruna na tuaa e rua nei.”

Tena Jisas ki kanna ake na disaipol Aia raa no meake ma, “Anau e meatu te hakamaoni pera ma te hoki te tautukaha hine e hakaaroha nei raa e raka roo ma na hoki na tama hakaatoa. Maitaname na tama raa e kou ake na sileni, tena e isi koi na sileni e mmoe. Ia te hine nei niaina roo ma aia e hakaaroha, e meia aia e ppono na sileni hakaatoa aia e isi raa. Te hine raa e hoki ake na sileni hakaatoa aia e isi ki tokonaki aia raa.”

Jisas e noho taapiri te kina te papa e ponopono na sileni te Hare Tapu raa, tena Aia ki matamata ake te kanohenua raa e oo ake no ponopono na sileni laatou raa i roto te papa raa. Tammaki na tama hai sileni e ppono tammaki na sileni. Tena he tautukaha hine e hakaaroha e haere ake no ppono e rua na sileni.

Tena ku laoi TeAtua ma na hatu manava kootou raa, na hakataakoto ia ma na mahi kootou raa, tena ku laoi hoki alaa tama pera ma kootou e laoi kootou hokkootou raa e hakanaaniu roo i aruna ma kootou ki hoki ake na hoki na manu ia ma alaa hoki peeraa hoki i TeAtua.”

Tena Jisas ki meake, “Tena kootou ku sui ake te tuku raa hea te tuku raa e ttino, tena ku kou ake TeAtua hea TeAtua e ttino.” Na tama raa ku mahharo roo i na tattara Jisas raa.