Mistari Maarufu ya Biblia kutoka LOMA 8

Shirikisha

I te mea e iloa ne tatou i te Atua e galue fakatasi mo tino kola e a'lofa ki a ia, ko latou eiloa kola ne kalagagina mo tena galuega.

I te mea e iloa tonu ne au, e seai se mea e mafai ne ia o 'vae tatou mai i te alofa tenei: me ko te ola io me ko te mate; me ko agelu io me ko pule o te lagi; me ko te malosi; me ko te taimi nei me ko te taimi ka oko mai; io me ko mea i luga me ko mea i lalo, e seai lele se mea e tasi ne faite ka mafai ne ia o 'vae tatou mai i te alofa o te Atua i a Keliso Iesu te tou Aliki.

E pena foki te Agaga, ne vau o fesoasoani ki mea e vaivai ei tatou. I te mea e se iloa ne tatou me ai a e 'tau ei o 'talo tatou; ka ko te Agaga eiloa e fautua mō tatou, i te fita tela ko se mafai o fakamatalagina ki pati.

Se a la te pati a tatou ka fai ki te mea nei? Kafai te Atua e mo tatou, ka ko oi la e 'teke ki a tatou?

E seai nei se fakasalaga mo tino kola ko ola fakatasi mo Keliso Iesu.

Ko te tuku atu otou mafaufau ke pulea ne te mea e manako ki ei te foitino, ka iku eiloa ki te mate; ka ko te tuku atu otou mafaufau ki te mea e manako ki ei te Agaga, ka iku ki te ola mo te filemu.

E seai, e ui eiloa i mea katoa konei, e isi se manumalo katoatoa o tatou; e alatu i a ia tela ne alofa mai ki a tatou!

I toku manatu i o'tou fi'taga i aso nei, e se mafai lele eiloa o fakatusa ki te 'malu tela ka fakaasi mai ki a tatou.

Ko oi la ka mafai ne ia o 'vae tatou mai te alofa o Keliso? Ko te puapuaga, ko te faigata, ko te fakasaua, ko te oge, ko te mativa, ko fakalavelave fakamataku, me ko te mate?

Ka ko ia tela e mafai ne ia o iloa a kanoloto o tino katoa, pela foki a mafaufauga o te Agaga, me i te Agaga e fautua mō Kelisiano, e pela eiloa mo te loto o te Atua.

Ko latou kola e takitaki ne te Agaga o te Atua, ko tama kona a te Atua.

Me ko tino kola e ola faka te foitino, e mafaufau faka te foitino. Ko tino foki kola e ola faka te Agaga, e mafaufau foki faka te Agaga.

Ne seki taofi ne ia tena Tama mai i a tatou, kae ne tuku atu ke fai mo taulaga mo tatou! Ne tuku mai mo tatou tena tama, e a, e seki tuku mai ne ia a mea katoa mo tona loto fiafia?

Ko te Agaga eiloa tela e molimau mai ki agaga o tatou, me i a tatou ko fanau a te Atua. Ona ko tatou ko ana fanau, ka maua ne tatou a fakamanuiaga ne tausi ne ia mo ana tino, kae ka maua foki fakatasi ne tatou mo Keliso a mea kola ne tausi ne te Atua mō Keliso, i te mea, kafai e kau fakatasi tatou mo fi'taga o Keliso, ka kau fakatasi foki tatou mo ia i tona 'malu.

Tela la, ko fai te tino mo fili ki te Atua, manafai e pulegina tona mafaufau ne manakoga faka te foitino; i te mea e se fakalogo ki te tulafono a te Atua, kae tonu eiloa me se mafai o fakalogo ki ei.

A mea katoa ne faite, ko fakatalitali fua i te fia lavea o te Atua ko fakaasi mai tena fanau.

Me e iloa ne tatou i mea katoa ne faite, ne ma'nava fi'ta; e pela eiloa mo te 'mae o te fafine fanau, ke oko mai eiloa ki aso nei.