Mistari Maarufu ya Biblia kutoka LOMA 10

Shirikisha

i te mea kafai e folafola atu ne koe i ou laugatu a Iesu ko te Aliki, kae talitonu foki koe i tou loto, me i te Atua ne ana fakatugina a ia mai tino 'mate, ka fakaolagina koe.

Me e talitonu a te tino i tona loto, tela la, ko takuamiotonugina a ia, kae kafai e molimau foki ona laugatu, e fakaolagina a ia.

Tela la, a te fakatuanaki e maua mai i te lagona, ka ko te mea ne lagona, ne maua mai i te talaiga a Keliso.

Muna a te Tusi: “E seai se tino e talitonu ki a ia e fakamasiasigina.” I te mea e seai eiloa se kesekesega i te va o tino Iutaia mo fenua fakaatea; me ko te Aliki eiloa e tokotasi, ko te Aliki o tino katoa, kae 'ligi atu foki a tena fakamanuiaga ki luga i a latou kola e kalaga atu ki a ia. Muna a te Tusi, “Ko tino katoa kola e kalaga atu ki te igoa o te Aliki, ka fakaolagina latou.”

Kae ka mafai pefea ne tino o folafola atu, seiloga ko uga atu latou? E pela mo muna ne tusi, ko seai la se gali pela o vae o tino kola e folafola atu te tala 'lei.”

Kae ka pefea o kalaga atu a tino ki a ia, manafai e seki talitonu latou ki a ia? Kae ka pefea foki o talitonu latou ki a ia, manafai e seki fakalogo eiloa latou ki a ia? Kae ka pefea foki la o lagona ne latou manafai e seai se failauga?

Me i a Keliso ko te fakaikuga o te Tulafono, ko te mea ke takuamiotonugina katoa latou kola ne fakatuanaki.