Mistari Maarufu ya Biblia kutoka EFESO 4

Shirikisha

E 'tau mo koutou o fakatau alofa kae fakatau atafai; ke fakatau fakamagalo foki koutou, e pela eiloa mo te Atua ko oti ne fakamagalo ne ia koutou i a Keliso.

i te loto malalo mo te filemu, mo te loto kufaki i taimi katoa. Ke fakatau fesoasoani koutou i te alofa.

Sa faipati ki muna e 'mae ei a te loto o te sua tino. Fakaaoga eiloa a pati fesoasoani, ko vaega pati kola e aoga i te puti ake kae maua mai ei foki a mea 'lei, ko te mea ke fua mai au pati ki te 'lei, i tino kola ne fakalogologo ki a koe.

Tiaki a uiga fakapiau, a uiga faka'mae loto, mo uiga faka'itaita Fakagata te sona paka'laga valevale mo te pati masei! Fakagata foki a uiga katoa o te loto masei!

Kafai koe e kaitaua, ke se takitaki koe ne tou kaitaua ki te agasala; kae sa nofo mo tou kaitaua i te aso katoa. Sa tukugina se avanoa mo te Tiapolo.

Tela la, e 'tau o tiakina otou foitino mua, kola e fai ne latou a koutou ke ola i otou olaga mua. A te foitino mua ko fakamaseigina valevale ne ona manakoga masei. E 'tau o fakafou otou loto mo otou mafaufau katoa. E 'tau mo koutou o pei ki te foitino fou, tela ne faite i foliga o te Atua i te amiotonu mo te 'malu.

Ke fiafia koutou o fai te loto tasi tela ne tuku atu ne te Agaga, i te filemu tela e fusi tasi ne ia koutou.

Ko ia foki tena “ne tuku atu a meaalofa ki tino”; ne tofi foki ne ia a nisi ke fai mo apositolo, a nisi ke fai mo pelofeta, a nisi ke fai mo tino talai te tala 'lei, a nisi ke fai mo faifeau, ka ko nisi ke fai mo faiakoga. Ne fai ne ia penei o fakatoka a tino o te Atua, mo te galuega faka-Kelisiano, o ati ake a te foitino o Keliso. Ko te mea ke oko atu tatou katoa, ki te tasi o tatou i te tou fakatuanaki mo te tou poto e uiga ki te Tama a te Atua; ke fai foki tatou mo tino ko ma'tua a mafaufau, ko te mea ke oko tatou ki te katoatoaga o te foitino katoa o Keliso.

Ko tona uiga, ko se toe mafai tatou o fai mo tamaliki e peipei ne galu, io me agina foki ne matagi o akoakoga a tino fai togafiti, kola e takitaki 'se ne latou a tino i olotou togafiti ma'sei e maua. Ona ko tatou e fai'pati ki te mea tonu i te alofa, ke ola ake fakatasi tatou mo Keliso i so se feitu, me ko ia ko te ulu o mea katoa.