Mistari Maarufu ya Biblia kutoka Mateo 16

Shirikisha

Dayon si Jesus nagsiling sa iya mga gintuton-an, “Ang bisan sin-o nga luyag magsunod sa akon, dapat niya kalimtan ang iya kaugalingon, magpas-an sang iya krus kag magsunod sa akon.

Kag ako nagasiling sa imo, ikaw si Pedro, kag sa sini nga bato pagatukoron ko ang akon iglesia. Bisan ang gahom sang kamatayon indi makadaog sini.

Ihatag ko sa imo ang mga yabi sang Ginharian sang langit, kag kon ano ang imo ginadumilian sa duta pagadumilian man sa langit, kag kon ano ang imo ginatugotan sa duta pagatugotan man sa langit.”

Kay ang bisan sin-o nga buot magluwas sang iya kaugalingon nga kabuhi madula niya ini, pero ang bisan sin-o nga nagadula sang iya kabuhi bangod sa akon makita niya ini.

Ano bala ang makuha sang tawo kon maangkon niya ang bug-os nga kalibutan kag madula niya ang iya kabuhi? Wala gid! Wala sing sarang mahatag ang tawo agod mabawi niya ang iya kabuhi.

Nagpamangkot sia sa ila, “Pero sa inyo iya, sin-o bala ako?” Si Simon Pedro nagsabat, “Ikaw ang Cristo, ang Anak sang Dios nga buhi.”

Si Jesus nagsabat, “Malipayon ka, Simon nga anak ni Juan! Kay ini nga kamatuoran wala ginpahayag sa imo sang tawo, kundi sang akon Amay sa langit.