Mistari Maarufu ya Biblia kutoka ᓭᐣᐟ ᒫᕒᐠ 6

Shirikisha

ᐅᒥᓯ ᒫᑲ ᑭ ᐃᑌᐤ, ᐯ ᐃᑐᐦᑌᐠ ᑭᔮᒼ ᑭᔭᐋᐧᐤ ᐅᐦᐱᒣ ᐱᑲᐧᒑᔨᕽ ᐁᑯᓯ ᐊᔦᐧᐱᐠ ᐱᑕᒫ. ᒋᑫᒫ ᑭ ᒥᐦᒉᑎᔨᐊᐧ ᑲᐦᑫᐧᑯᐢᐠ ᐁ ᑕᑯᓯᓂᔨᐟ ᒥᓇ ᐁ ᓯᐯᐧᑌᔨᐟ, ᐁᑯᓯ ᓇᒪᐃᐧᔭ ᑭ ᑕᐃᐧᐸᔨᐃᑲᐧᐠ ᐊᐦᐳ ᑭᑕ ᑭ ᒥᒋᓱᒋᐠ.

ᒫᑲ ᒋᓴᐢ ᐅᒥᓯ ᑭ ᐃᑌᐤ, ᐅᑭᐢᑭᐁᐧᐦᐃᑫᐤ ᓇᒪᐃᐧᔭ ᐁᑳ ᑭᑕ ᑭᐢᑌᔨᒥᐦᐟ, ᐱᑯ ᐃᐧᔭ ᐅᐟ ᐊᐢᑭᕽ ᓇᒪᐃᐧᔭ, ᒥᓇ ᐃᑕ ᐁ ᐊᔮᔨᐟ ᑎᐱᔭᐁᐧ ᐅ ᐋᐧᑯᒫᑲᓇ, ᒥᓇ ᐃᐧᔭ ᐃᐧᑭᕽ.

ᐁᑯᓯ ᑭ ᐯ ᐃᑐᐦᑌᐤ, ᑭ ᐋᐧᐸᒣᐤ ᒫᑲ ᒥᐦᒉᐟ ᐊᔨᓯᔨᓂᐊᐧ, ᐁᑯᓯ ᑭ ᑭᑎᒫᑭᓇᐁᐧᐤ, ᒋᑫᒫ ᑭ ᐃᓯ ᐊᔮᐊᐧᐠ ᑖᐱᐢᑯᐨ ᒫᔭᑎᐦᑲᐧᐠ ᐁᑳ ᐁ ᐊᔮᐋᐧᒋᐠ ᐅᑲᓇᐃᐧᒫᔭᑎᐦᑫᐧᐊᐧ: ᑭ ᒫᒋ ᑭᐢᑭᓄᐦᐊᒫᐁᐧᐤ ᒫᑲ ᒥᐦᒉᐟ ᑫᑲᐧᔭ.

ᐁᑯᑕ ᒫᑲ ᓇᒪᐃᐧᔭ ᑭ ᐃᑐᑕᒼ ᐁ ᓱᑫᔨᑖᑲᐧᓂᔨᐠ ᐊᑐᐢᑫᐃᐧᐣ, ᐱᑯ ᐁ ᑭ ᓵᒥᓈᐟ ᒐᑲᐋᐧᓯᐢ ᐁ ᐋᑯᓯᔨᐟ ᐊᔨᓯᔨᓂᐊᐧ ᐁᑯᓯ ᐁ ᑭ ᐃᔨᓂᑲᐦᐋᐟ. ᑭ ᒫᒪᐢᑳᑕᒣᐧᐤ ᒫᑲ ᐅᐟ ᐋᓀᐧᑕᒧᐃᐧᓂᔨᐤ. ᒥᓯᐁᐧ ᒫᑲ ᐋᐧᓴᑳᒼ ᐅᑌᓈᕽ ᑭ ᐊᔨᑐᑌᐤ ᐁ ᑭᐢᑭᓄᐦᐊᒫᑫᐟ.

ᑭ ᐅᑎᓀᐤ ᒫᑲ ᐊᓂᐦᐃ ᓂᔮᓇᐣ ᐸᑫᐧᓯᑲᓇ ᒥᓇ ᐊᓂᐦᐃ ᓂᓱ ᑭᓄᓭᐊᐧ, ᐁᑯᓯ ᑭᐦᒋ ᑭᓯᑯᕽ ᐁ ᐃᑖᐱᐟ, ᑭ ᒥᔭᐧᑭᒣᐤ, ᒥᓇ ᑭ ᐊᑎ ᓇᓇᐃᐧᓀᐤ ᐊᓂᐦᐃ ᐸᑫᐧᓯᑲᓇ; ᑭ ᒥᔦᐤ ᒫᑲ ᑭᐢᑭᓄᐦᐊᒪᐋᐧᑲᓇ ᑭᑕ ᐅᔭᐢᑐᐋᐧᔨᐟ; ᒥᓇ ᐊᓂᐦᐃ ᓂᓱ ᑭᓄᓭᐊᐧ ᑭ ᒫᑎᓇᒪᐁᐧᐤ ᑲᐦᑭᔭᐤ. ᐁᑯᓯ ᑲᐦᑭᔭᐤ ᑭ ᒥᒋᓱᐊᐧᐠ ᒥᓇ ᑭ ᑭᐢᐳᐊᐧᐠ. ᑭ ᒧᓴᑭᓇᒪᐧᐠ ᒫᑲ ᐃᐢᑲᐧᐢᒋᑲᓇ, ᒥᑖᑕᐟ ᓂᓱᓵᑊ ᐃᐧᑯᐱᐊᐧᑕ ᓵᑲᐢᑭᐣ, ᒥᓇ ᑭᓄᓭᐊᐧ ᐊᓯᒋ.