Mistari Maarufu ya Biblia kutoka ᓭᐣᐟ ᒫᕒᐠ 12

Shirikisha

ᒋᓴᐢ ᓇᐢᑫᐧᐊᐧᓯᒣᐤ, ᐊᓂᒪ ᓂᐢᑕᒼ ᐁᐊᐧᑯ, ᓇᑐᐦᑕ, ᐋ ᐃᐢᕒᐁᐃᓬ; ᑳ ᑎᐱᔨᒋᑫᐟ ᑭ ᑭᓭᒪᓂᑐᒥᓇᐤ, ᑳ ᑎᐯᔨᐦᒋᑫᐟ ᐯᔭᑯ: ᐁᑯᓯ ᑭ ᑲ ᓵᑭᐦᐋᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᒥᓯᐁᐧ ᑭ ᑌᐃᕽ, ᒥᓇ ᒥᓯᐁᐧ ᑭᐟ ᐊᐦᒑᐦᑯᕽ, ᒥᓇ ᒥᓯᐁᐧ ᑭ ᒥᑐᓀᔨᒋᑲᓂᕽ, ᒥᓇ ᒥᓯᐁᐧ ᐁ ᐃᐢᐱᓯᔭᐣ. ᐊᓂᒪ ᐁ ᐊᐢᑯᑕᐊᐧᐢᑌᐠ ᐁᐊᐧᑯ ᐅᒪ, ᑭ ᑲ ᓵᑭᐦᐋᐤ ᑭᒋ ᐊᔨᓯᔨᓂᐤ ᑖᐱᐢᑯᐨ ᑳ ᐃᓯ ᓵᑭᐦᐃᓱᔭᐣ. ᓇᒪᐃᐧᔭ ᐃᐦᑕᑲᐧᐣ ᑯᑕᐠ ᐅᔭᓱᐁᐧᐃᐧᐣ ᐊᐊᐧᓯᒣ ᐁ ᑭᐢᑕᑭᑌᐠ ᐃᔨᑯᕽ ᐅᐦᐃ

ᑭ ᓇᑐᒣᐤ ᒫᑲ ᐅ ᑭᐢᑭᓄᐦᐊᒪᐋᐧᑲᓇ, ᐁᑯᓯ ᑭ ᐃᑌᐤ, ᑖᐯᐧ ᑭᐟ ᐃᑎᓈᐋᐧᐤ, ᐊᐊᐧ ᑭᑎᒫᑭ ᓯᑳᐤ ᐃᐢᑫᐧᐤ ᐊᐊᐧᓯᒣ ᒥᐢᑕᐦᐃ ᑭ ᐱᒋᐁᐧᐱᓇᒼ ᐃᔨᑯᕽ ᑲᐦᑭᔭᐤ ᐊᓂᑭ ᑳ ᑭ ᐱᒋᐁᐧᐱᓂᑫᒋᐠ ᐸᑭᑎᓈᓱᐃᐧᐊᐧᑎᕽ: ᒋᑫᒫ ᐃᐧᔭᐋᐧᐤ ᑭ ᐱᒋᐁᐧᐱᓇᒪᐧᐠ ᐁ ᐋᔨᐋᐧᑭᐸᔨᐃᑯᒋᐠ; ᒫᑲ ᐃᐧᔭ ᐅ ᑭᐧᑕᒫᐃᐧᓂᕽ ᑭ ᐱᒋᐁᐧᐱᓇᒼ ᑲᐦᑭᔭᐤ ᐁ ᐊᔮᐟ, ᑲᐦᑭᔭᐤ ᐃᓴ ᐱᑯ ᐁ ᐅᐦᒋ ᐱᒫᑎᓯᐟ.

ᑭ ᐊᐱᐤ ᒫᑲ ᑎᐱᐢᑯᐨ ᐸᑭᑎᓈᓱᐃᐧᐊᐧᑎᕽ, ᒥᓇ ᑲᓇᐋᐧᐸᒣᐤ ᐊᔨᓯᔨᓂᐊᐧ ᐁ ᐃᓯ ᐱᒋᐁᐧᐱᓈᔨᐟ ᓱᓂᔮᐊᐧ ᐸᑭᑎᓈᓱᐃᐧᐊᐧᑎᕽ: ᒥᐦᒉᐟ ᒫᑲ ᑳ ᐁᐧᔪᑎᓯᒋᐠ ᒥᐢᑕᐦᐃ ᐱᒋᐁᐧᐱᓀᐊᐧᐠ. ᐁᑯᑕ ᒫᑲ ᐯ ᐃᑐᐦᑌᐤ ᐯᔭᐠ ᑭᑎᒫᑭ ᓯᑳᐤ ᐃᐢᑫᐧᐤ, ᑭ ᐱᒋᐁᐧᐱᓀᐤ ᒫᑲ ᓂᓱ ᐊᐱᐢᒋ ᐱᐋᐧᐱᐢᑯᓴ, ᐯᔭᐠ ᐅᓵᐋᐧᐱᐢᑯᐢ ᐁ ᐃᑕᑭᒋᑳᓱᒋᐠ.

ᐁᑯᓯ ᑭᑕ ᓵᑭᐦᐃᐦᐟ ᒥᓯᐁᐧ ᒥᑌᐃᕽ, ᒥᓇ ᒥᓯᐁᐧ ᓂᓯᑐᐦᑕᒧᐃᐧᓂᕽ, ᒥᓇ ᒥᓯᐁᐧ ᐁ ᐃᐢᐱᓯᕽ, ᒥᓇ ᑭᑕ ᓵᑭᐦᐋᐟ ᐃᐧᒋ ᐊᔨᓯᔨᓂᐊᐧ ᑖᐱᐢᑯᐨ ᑳ ᐃᓯ ᓵᑭᐦᐃᓱᐟ, ᐊᐊᐧᓯᒣ ᐃᑌᔨᑖᑲᐧᐣ ᐃᔨᑯᕽ ᑲᐦᑭᔭᐤ ᐁ ᒥᓯᐁᐧᔮᑭ ᒪᒍᐢᑌᐊᒫᑫᐃᐧᓇ ᒥᓇ ᐸᑭᑎᓈᓱᐃᐧᓇ.

ᒋᓴᐢ ᒫᑲ ᑭ ᐃᑌᐤ, ᒥᔨᕽ ᓯᓴᕒ ᑳ ᐅᐟ ᐊᔮᓂᐟ ᓯᓴᕒ, ᒥᓇ ᑭᓭᒪᓂᑐ ᑳ ᐅᐟ ᐊᔮᓂᐟ ᑭᓭᒪᓂᑐ. ᒥᐢᑕᐦᐃ ᒫᑲ ᒫᒪᐢᑳᑌᐊᐠ.