Mistari Maarufu ya Biblia kutoka ꠁꠘ꠆ꠎꠤꠟ ৪: ꠢꠣꠘ꠆ꠘꠣꠘ 5

Shirikisha

“ꠀꠝꠤ ꠀꠙꠘꠣꠞꠣꠞꠦ ꠢꠣꠍꠣ ꠇꠕꠣ ꠇꠁꠞꠣꠝ, ꠎꠦ ꠎꠘꠦ ꠀꠝꠣꠞ ꠇꠣꠟꠣꠝ ꠢꠥꠘꠦ ꠀꠞ ꠎꠦꠁꠘ ꠀꠝꠣꠞꠦ ꠙꠣꠑꠣꠁꠍꠂꠘ ꠔꠣꠘ ꠃꠙꠞꠦ ꠁꠝꠣꠘ ꠀꠘꠦ, ꠢꠦ ꠔ ꠀꠈꠦꠞꠤ ꠎꠤꠘ꠆ꠖꠦꠉꠤ ꠙꠣꠁꠟꠤꠍꠦ। ꠔꠣꠞꠦ ꠀꠞ ꠖꠥꠡꠤ ꠡꠣꠁꠛꠡ꠆ꠔ ꠇꠞꠣ ꠅꠁꠔ ꠘꠣꠄ। ꠢꠦ ꠔ ꠝꠃꠔ ꠕꠣꠇꠤ ꠎꠤꠘ꠆ꠖꠦꠉꠤꠔ ꠙꠣꠠꠤ ꠖꠤꠟꠣꠁꠍꠦ।

ꠛꠃꠔ ꠖꠤꠘ ꠕꠣꠇꠤ ꠢꠦ ꠅꠘꠅ ꠙꠠꠤ ꠞꠁꠍꠦ ꠢꠥꠘꠤꠀ ꠁꠍꠣꠄ ꠔꠣꠞꠦ ꠎꠤꠇꠣꠁꠟꠣ, “ꠇꠤꠔꠣ ꠛꠣ, ꠔꠥꠝꠣꠞ ꠁꠌ꠆ꠍꠣ ꠘꠤ ꠔꠥꠝꠤ ꠜꠣꠟꠣ ꠅꠁꠎꠤꠔꠣꠄ?”

“ꠀꠙꠘꠣꠞꠣ ꠔ ꠈꠥꠛ ꠝꠘ ꠖꠤꠀ ꠀꠍꠝꠣꠘꠤ ꠇꠤꠔꠣꠛ ꠔꠤꠟꠣꠅꠔ ꠇꠞꠂꠘ, ꠝꠘꠅ ꠇꠞꠂꠘ ꠁꠔꠣ ꠔꠤꠟꠣꠅꠔ ꠇꠞꠟꠦ ꠀꠈꠦꠞꠤ ꠎꠤꠘ꠆ꠖꠦꠉꠤ ꠙꠣꠁꠛꠣ। ꠅꠁꠟꠦ ꠅꠃ ꠇꠤꠔꠣꠛꠦꠃ ꠔ ꠀꠝꠣꠞ ꠛꠦꠙꠣꠞꠦ ꠡꠣꠇ꠆ꠇꠤ ꠖꠦꠄ। ꠄꠞꠛꠣꠖꠦꠅ ꠀꠙꠘꠣꠞꠣ ꠎꠤꠘ꠆ꠖꠦꠉꠤ ꠙꠣꠅꠀꠞ ꠟꠣꠉꠤ ꠀꠝꠣꠞ ꠉꠦꠍꠦ ꠀꠁꠔꠣ ꠌꠣꠁꠘ ꠘꠣ।

ꠁꠍꠣꠄ ꠄꠞꠦ ꠇꠁꠟꠣ, “ꠔꠦ ꠃꠑꠅ, ꠔꠥꠝꠣꠞ ꠛꠤꠍꠘꠣ ꠟꠁꠀ ꠀꠐꠣ-ꠌꠟꠣ ꠇꠞꠅ।” ꠟꠉꠦ ꠟꠉꠦꠃ ꠅꠃ ꠛꠦꠝꠣꠞꠤ ꠜꠣꠟꠣ ꠅꠁꠉꠦꠟ, ꠀꠞ ꠔꠣꠞ ꠛꠤꠍꠘꠣ ꠔꠥꠟꠤꠀ ꠌꠟꠣ-ꠚꠤꠞꠣ ꠇꠞꠟ। ꠢꠤ ꠖꠤꠘ ꠀꠍꠤꠟ ꠎꠥꠝ꠆ꠝꠣꠛꠣꠞ, ꠎꠥꠝ꠆ꠝꠣꠛꠣꠞꠦ ꠇꠥꠘꠥꠎꠣꠔ ꠇꠣꠝ ꠇꠞꠣ ꠎꠣꠁꠎ ꠘꠣꠄ।

ꠄꠞꠟꠣꠉꠤ ꠔꠣꠁꠘ ꠅꠃ ꠘꠦꠔꠣ ꠅꠇꠟꠞꠦ ꠇꠁꠟꠣ, “ꠀꠝꠤ ꠘꠤꠌ꠆ꠌꠤꠔ ꠢꠇ ꠇꠕꠣ ꠇꠁꠞꠣꠝ, ꠙꠥꠔꠦ ꠔ ꠘꠤꠎꠦ ꠘꠤꠎꠦ ꠇꠥꠘ꠆ꠔꠣ ꠇꠞꠔꠣ ꠙꠣꠞꠂꠘ ꠘꠣ, ꠅꠁꠟꠦ ꠔꠣꠘ ꠛꠣꠚꠞꠦ ꠎꠦꠔꠣ ꠇꠣꠝ ꠇꠞꠣꠔ ꠖꠦꠈꠂꠘ, ꠔꠣꠁꠘ ꠈꠣꠟꠤ ꠅꠔꠣꠃ ꠇꠞꠂꠘ, ꠛꠣꠚꠦ ꠎꠦꠔꠣ ꠇꠞꠂꠘ, ꠙꠥꠔꠦꠅ ꠔ ꠅꠔꠣ ꠇꠞꠂꠘ।