Mistari Maarufu ya Biblia kutoka Рим христианнарыгар 10

Shirikisha

Иисуһу Айыы Тойон диэн тылгынан аһаҕастык билинэр уонна Таҥара Кинини өлбүттэртэн тилиннэрбитин ис сүрэххиттэн итэҕэйэр буоллаххына, быыһаныаҥ

ким сүрэҕинэн итэҕэйэр – кырдьыксыт киһи диэн билиниллиэ, ким итэҕэлин аһаҕастык билинэр – быыһаныа.

Онон, итэҕэл Евангелиены истииттэн үөскүүр, оттон Евангелиены Таҥара тылын иһитиннэрээччилэр аҕалаллар.

Суруйууларга «Кинини итэҕэйэр киһи кыбыстыыга киириэ суоҕа» диэн этиллэр. Бу – туох да уратылаһыыта суох иудейдарга да, атын норуоттарга да барыларыгар туһуланар этии, тоҕо диэтэххэ Айыы Тойон барыбытыгар биир, Кини ыҥырар дьону барытын өлгөмнүк алгыыр. «Айыы Тойону аатын ааттаан ыҥырбыт ханнык баҕарар киһи быыһаныа».

Үөрэҕи тарҕаттара ыыппатах буоллахтарына, хайдах баран кэпсиэхтэрэй? Суруйууларга этиллэр: «Эйэҕэ, үтүөҕэ үөрэтэр Евангелиены иһитиннэрээччилэр кэлэллэрэ хайдах дьикти үчүгэйий!»

Оттон итэҕэйбэтэх дьон Кинини хайдах ыҥырыахтарай? Истибэтэх дьон хайдах итэҕэйиэхтэрэй? Иһитиннэрэр-кэпсиир киһи суох буоллаҕына, Кини туһунан хайдах истиэхтэрэй?

Оттон Сокуон бүтэр уһуга – Христос: онон билигин хас биирдии Кинини итэҕэйээччи кырдьыктаах көнө киһи буолар кыахтанар.