Mistari Maarufu ya Biblia kutoka 2 Corintios 9

Shirikisha

Y ri Dios kin kꞌo ruchuqꞌaꞌ chin ndubꞌen chi ndikꞌiyer nojel ruwech favor pa iwiꞌ, chin keriꞌ jumul ndikꞌojeꞌ iwikꞌin nojel ri ndikꞌatzin chiwa y hasta más chuwech ri ndikꞌatzin chiwa, chin ngixtiker ngeꞌitoꞌ chꞌaqa chik rikꞌin nojel ruwech favor.

Chiꞌijununal tiyaꞌ ri janipeꞌ ndalex pa iwánima chin ndiyaꞌ. Ma kaꞌiꞌ ikꞌuꞌx tiyaꞌ, nixta xe roma ndikꞌutux chiwa tiyaꞌ. Porque ri Dios ndiqaꞌ chuwech ri ndikikot ránima nduyaꞌ ri ru-ofrenda.

Tikꞌuxlaꞌaj re nibꞌij chiwa: Jun tikonel ri jubꞌaꞌ ok semilla ndutik, jubꞌaꞌ ok chuqaꞌ ruwech tikoꞌ ndumal. Ri santienta semilla ndutik, santienta chuqaꞌ ruwech tikoꞌ ndumal.

Ri Dios ri ndiyoꞌon ri semilla chare ri tikonel, y ri ruway chin ndiwaꞌ, kin xtubꞌen chi ndikꞌiyer ri janipeꞌ kꞌo iwikꞌin chin ngixtoꞌon y xtubꞌen chuqaꞌ chi ndikꞌiyer ri janipeꞌ utz ndukꞌen pe ri toꞌonik ndiyaꞌ. Y keriꞌ ndikꞌiyer ri kꞌo iwikꞌin, chin keriꞌ más ngixtoꞌon rikꞌin nojel iwánima. Y ri ofrenda nditeq rix ri ndiqakꞌuaj roj, ndukꞌen pe matioxinik chare ri Dios.

¡Matiox chare ri Dios roma ri nimalej sipanik ruyoꞌon chaqe, sipanik ri ma ndiqil ta rubꞌixik rikꞌin aj rochꞌulew tzij!