Mistari Maarufu ya Biblia kutoka Sigingo 20

Shirikisha

“Mbi laa mbi yeke KOTA GBIA, Nzapa ti mo; mbi laa mbi sara si mo sigigi na Ezipte, ndo so lani mo yeke ngbaa daa. “Alingbi mo voro ambeni nzapa nde pepe, gi mbi oko.

“Alingbi mo sara mbeni yanda ndali ti mo pepe, wala mbeni ye so akpa ye so ayeke na le ti nduzu, wala ye so ayeke na ndö ti sese, wala ye so ayeke na ya ti ngu na gbe ti sese. Alingbi mo kuku na gbe ti ayanda so pepe, mo voro ala pepe, ngbanga ti so mbi KOTA GBIA Nzapa ti mo, mbi yeke Nzapa so ayeke sara mbanda ti azo ti lo. Azo so asara sioni ti ke mbi, mbi yeke kiri na sioni ti azo ni na ndö ti *ahale ti ala, ngbii asi na molongo ota ni wala molongo osio ni.

“Alingbi mo ne babâ ti mo na mama ti mo, tongaso si gigi ti mo ayo na ndö ti sese so mbi KOTA GBIA Nzapa ti mo, mbi mu na mo.

“Alingbi mo dabe ti mo na *lango ti wungo tere, mo zia ni nde ndali ti mbi.

“Alingbi mo di iri ti mbi KOTA GBIA Nzapa ti mo senge senge pepe. Biani, zo so adi iri ti mbi senge senge, mbi yeke zia lo senge pepe.

Mo sara akua ti mo kue na ya ti lango omene. Me lango mbarambara ni ayeke lango ti wungo tere ndali ti mbi KOTA GBIA, Nzapa ti mo. Na lango ni so, alingbi mo sara kua oko pepe; ataa mo, ataa molenge ti mo ti koli, ataa molenge ti mo ti wali, ataa zo ti kua ti mo ti koli, ataa zo ti kua ti mo ti wali, ataa anyama ti mo, ataa wande so ayeke lango na kodro ti mo.

“Alingbi mo sara nzara ti da ti mba ti mo pepe; mo sara nzara ti wali ti mba ti mo pepe, ataa zo ti kua ti lo ti koli, ataa zo ti kua ti lo ti wali, ataa bagara ti lo, ataa lele ti lo, ataa ye so kue lo yeke na ni.”

“Alingbi mo tene mvene na li ti mba ti mo pepe na le ti ngbanga.

“Alingbi mo gi wali wala koli ti zo pepe.

“Alingbi mo fâ zo pepe.

“Alingbi mo nzi pepe.