Mistari Maarufu ya Biblia kutoka Mar. 12

Shirikisha

Minikagi si Jesus, “Seini se punù ontò melangkaw. ‘Kedita niyo menge bowad-bowad i Israel, penenalan kaw kanak. Sebad olò se Timanem, aw sikandin se Pengolo tadon. Kedekeli niyo te pedowan se Pengolo niyo Timanem te ontò melobos se pedowan niyo kandin, aw aneng-aneng niyo.’ Seini se punù neketondog kenyan. ‘Kedekeli niyo te pedowan se doma otaw iling te peg-aneng-aneng niyo te kenyo pegkeotawun.’ Wedad palos punù labi pa melangkaw diyà te didowa punù sìyan.”

Penga niyan, tinawal i Jesus se menge tinoledaan din, aw minikagi sikandin, “Eneng-enengi niyo se kagi ko seini. Pengkey dakel se imbowang te kedita te doma otaw migsawol te kwarta kidoen, meneng labi pa meelagà se imbowang te bayi balo sida. Dakel se kwarta te doma otaw aw eked dan kelimahi tandà te pegpemegay dan. Meneng se bayi sida sagkep, tinigkan din imbowang se kedakel te kedònan din, pengkey nelimahan sikandin.”

Nayan, nenenoo si Jesus doton didalem te dakel simbahan te Jerusalem medapag te solanan te kwarta ibowang diyà te Timanem. Timengteng sikandin diyà te menge otaw egsawol te kwarta dan kidoen. Medita se otaw meyaman egsawol te dakel kwarta ibowang dan. Penga niyan, dimateng se sagkep bayi balo, aw migsawol sikandin te didowa kedakò kidoen wedad nael keelagà niyan.

Benal heman se inikagi no te keilangan kedekelan tadon sikandin te pedowan te ontò melobos se pedowan tadon kandin, aw keilangan kedekelan tadon te pedowan se doma otaw iling te peg-aneng-aneng tadon te kenitadon pegkeotawun. Pengkey mèpiya se pegpengimatay aw pegsonog tadon te ayam-ayam ibegay diyà te Timanem, meneng labi pa mèpiya aw tomolò kidon te didowa punù sìyan.”

Minikagi si Jesus, “Begayi niyo diyà te selotan se keilangan ibegay niyo diyà kandin, aw begayi niyo heman diyà te Timanem se keilangan ibegay niyo diyà kandin.” Pegdineg dan kenyan, nepela dan.