Mistari Maarufu ya Biblia kutoka Luc. 8

Shirikisha

Meneng se benì nesabog diyà te melambò tanà, yan se iling te otaw ontò melobos se pedowan dan. Aw domineg dan te kagi te Timanem, ontò dan iyan egtoloen. Egtayod dan te kelimahan lamig doen ontong dan.”

Nayan, se benì nesabog diyà te pinonoan te sagbet doen tigis, yan se iling te otaw ontò domineg te kagi te Timanem intoladà. Meneng penga niyan, wedad ontong dan, so dàgen dan te ibeg dan megkeyaman, aw ibeg dan te keluba te keneyonan, aw doma ibeg te pedowan dan.

Nayan, se benì nesabog diyà te tanà kebeto-betowan, yan se iling te otaw domineg te kagi te Timanem, aw meluba dan, aw tomolò dan kenyan te eked kenamay. Meneng aw meboyo dan, tenanan dan se pinemenalan dan, so iling dan te tinanem wedad nael dalid.

Penga niyan, minikagi si Jesus, “Wedà pa kedì kelobos se pegsalig niyo kanak.” Meneng nelemitan dan. Nepela dan aw migpebelaw-belaway dan, kagi dan, “Ontò sikandin metolos, so pengkey kelamag aw balud timolò kandin.”

Na, se benì nesabog diyà te dalan, yan se iling te menge otaw domineg te kagi te Timanem intoladà. Penga niyan, doen inangen i Satanas amon kelibelan dan se kagi te Timanem dinineg dan, so ibeg i Satanas, eked dan pemenal aw eked dan heman pekelowà lekat te salà.

Iling heman kenyan, wedad in-eles songkani eked kitai te modi aldaw. Wedad heman imbolon songkani eked keindan te modi aldaw.

Nayan, pegketaga-taga te bayi te eked keeles se ininang din, migpedapag sikandin diyà ki Jesus aw tinegangtang tandà te lamit din. Limongken sikandin diyà ki Jesus aw mig-indan aw eden se tod din. Dimineg heman se kedita te otaw te kagi din te negolì den se mesakit din te lekat te pegpemaed din ki Jesus. Minikagi si Jesus, “Atà, simalig ka diyà kanak, aw yan se doun te negolian ka. Olì ka den. Ibeg ko doen kelinaw te pedowan nikaw.”

Penga niyan, linoka dan si Jesus, kagi dan, “Pengolo, melemes kidon den.” Neloka si Jesus aw sinagda din se kelamag aw dakel balud. Timunung se kelamag aw migkelinaw se lanaw.