Mistari Maarufu ya Biblia kutoka Мисирдин чиқиш 20

Shirikisha

— Мән сени қул болуп яшиған Мисирдин елип чиққан Пәрвәрдигариң Худадурмән. Маңила ибадәт қил. Мәндин башқа һеч қандақ илаһиң болмисун.

Ибадәт қилиш үчүн, мәйли асмандики, йәрдики, йәр астидики яки судики һәр қандақ нәрсиләрниң шәклидә бут ясима. Һәр қандақ бутқа ибадәт қилма яки хизмәт қилма. Чүнки Мән сениң Пәрвәрдигариң Худадурмән. Пәрвәрдигариң Худа болған Мән қизғини­диған Худадурмән. Мениңдин башқиға ибадәт қилсаң, һәргиз кәңчилик қилмаймән. Мәндин нәпрәтләнгәнләрни һәтта нәврә-чәврилиригичә җазалаймән.

Ата-анаңни һөрмәт қил. Шу чағда Мән саңа ата қилмақчи бол­ған зиминда узақ өмүр сүрисән.

Дәм елиш күнини муқәддәс күн билип, униңға әмәл қил.

Муқәддәс намимни орунсиз тилға алма. Кимду-ким Мениң намимни орунсиз тилға алса, Мән — Пәрвәрдигариң болған Худа уни чоқум җазалаймән.

Алтә күн ишләп, тегишлик һәммә ишлириңни қиливал. Йәттин­чи күн Маңа аталған күн болуп, бу күни мәйли сән бол, пәрзәнтлириң, қуллириң, чарва маллириң яки жутуңда мусапир болуп туруватқан ят адәмләр болсун, һеч қандақ иш қилмисун.

Башқиларниң өй-имарәтлири, әр-хотуни, қуллири, кала яки башқа тәәллуқатлириға көз қириңни салма.

Ялған гувалиқ бәрмә.

Нека садиқлиғини бузма.

Қатиллиқ қилма.

Оғрилиқ қилма.