Mistari Maarufu ya Biblia kutoka Rōma 5

Shirikisha

Inārā, kua 'akaāri mai te Atua i tōna aro'a ki a tātou nei i te mea ē, tē vai tangata 'ara 'ua nei rāi tātou, i mate ei te Mesia nō tātou nei.

Kāre 'oki te tatari e tā'akamā mai i a tātou, nō te mea, kua riringi'ia mai te aro'a o te Atua ki roto i tō tātou au ngākau nā roto i te Vaerua Tapu tei 'ōronga'ia mai ki a tātou nei.

Kāre rā ē nō te reira anake 'ua, tē rekareka katoa nei rāi tātou i roto i te au tūmatetenga i te kite'anga ē, nā te tūmatetenga e 'akatupu i te 'akakoromaki, ē nā te 'akakoromaki e 'akatupu i te tūranga māro'iro'i, ē nā te tūranga māro'iro'i e 'akatupu i te tatari'anga.

Nō reira, nō te mea ē kua 'akatika'ia tātou nā roto i te 'akarongo, 'e 'au tō tātou i te Atua ra nā roto i tō tātou 'Atu i a Iēsū Mesia ra. Nōna 'oki tātou i ō atu ei ki tēianei aro'a 'ua i no'o'ia e tātou nei. Ē tē rekareka nei tātou i roto i te tatari'anga atu i te kakā o te Atua.

I tō tātou nei 'oki vai paruparu'anga ra, i mate ei te Mesia i te tuātau tika ra nō te aronga 'ākonokore Atua.

Mē kua 'akatikatika'ia mai tātou i tēianei i roto i tōna toto, 'e ma'ata 'ua atu te tumu ka 'akaora'ia ai tātou e ia mei te riri mai o te Atua ra.

Nō te 'ākonokore o te tangata 'okota'i ra, 'e mānganui tei 'akariro'ia 'ei aronga 'ara, pērā katoa 'oki nō te 'ākono o te tangata 'okota'i ra, 'e mānganui te ka 'akariro'ia 'ei aronga tuatua tika.

Kāre rā ē ko te reira anake 'ua, tē rekareka katoa nei rā tātou i roto i te Atua, nā roto i tō tātou 'Atu i a Iēsū Mesia ra, nōna i rauka ai i a tātou i tēianei taua 'aka'ongi'anga ra.