Mistari Maarufu ya Biblia kutoka Rom 2

Shirikisha

Ya ou badeh, ndramak laleyah le; buku ou anya aleben iri lau rayah ja, arile ou amekes kandriyen ndra-in i le buku aliy; ou anya kameh, ou baratobwak ta bolo maha-an ta Kindrei barala buku sah? Ya eme ou abudon anya, “Bolo tikisiy tan tinan labai, ya iy udu le abe-en lau katubuni ndrine iri, ma iy badeu ndramas ndra-in bala tiri suwi bwe. Idah kameh, jo winiyan bala bolo maha-an ta Kindrei bwe.” Sebwe ou abudon kandriyen mwasin tan doh, i buku lakou laleyah nadeh? Ya eme ou baseleyani se bwai, ta tikisiy tan badeh, ta anya katubuni ndrinem ma katiye ou ame hamon ja.

Ou are lau anya ou mwasin, ya ndramak kodo-oh ndra-in; balem ki tam! Ou badeh, ari madasan ta atobwak bwe. Tasah, buku none ou anya ndramak kodo-oh ndra-in, arile kandriyen doh ou amekes, badeh ou le amekes Kindrei edeu maha-an ewek la-um.

Tasah, Kindrei aleben iri lau mari i san ta kandriyen randra le.

Tasah, are lau ndranyen anuhun le batanau malen kameh iy winiyan basahan mwasin ta mada Kindrei bwe. Arile, are lau le in hamon ta batanau malen, Kindrei kameh aloh iy mwasin labai ta madan.

Kindrei kameh, “edeu sowa iri lau mwan ma badih ari, ari in hamon ta kandriyen iri amekes.”

Arile, iri lau rayah ja aseken le budon tiri le, ma iri baseken sahou handru bwe, ya iri an hamon ta kandriyen ndra-in, iri kameh bwese maha-an hawe losen ta Kindrei.

Arile, ou badeh, batum boto-on labai, ma ou batubuni ndrinem bwe. Ou atukum losen ta Kindrei ewek tam i tinan le gwek abe-en len ta losen ta Kindrei kameh asahan eme lewan. Na len doh iy kameh anuhun taha lau mari, ma mada sahou tan badeh, amwenen labai.