Populära bibelverser från Matiyu 21

Dela

Al Kuruŋ niŋ hekkeŋ nurde det kuraŋ gusuŋaŋ irkeb tumŋaŋ dunyeŋ,” yinyiŋ.

Irkeb Yesu beleŋ wol heŋbe, “Fudinde wor po dineŋ hime. Al Kuruŋ niŋ hekkeŋ nurde dufay irawam ma irnayiŋbe ne beleŋ fik he irhem gwahade igiŋ tinayiŋ. Irdeb dugu wor, ‘Kuŋ makaŋ alare kurka,’ inkeb gwaha po tiyyeŋ.

Al kurabe meheŋ hekeb kurabe kame hamiŋ. Irdeb tumŋaŋ ala turuŋ iramiŋ. “Dewit Urmiŋ turuŋ irniŋ ko.” “Doyaŋ Al Kuruŋyen deŋemde waŋ hi gobe Al Kuruŋ beleŋ guram irde saŋiŋ iryeŋ!” “Al Kuruŋ turuŋ irniŋ ko.”

irdeb, “Al Kuruŋyen mere asaŋde katiŋbe gahade: ‘Ya gabe ne mere nird nird gasuŋ. Gar waŋ gabu irde mere nird nird ya hiyyeŋ,’ gwahade yitiŋ hi. Goyenbe deŋ beleŋbe teŋ ‘kawe marte gasuŋ’ irde haŋ,” yinyiŋ.

“Yerusalem niŋ mar goyen gaha yinnaŋ. ‘Doyaŋ Al Kuruŋtiŋ deŋ hitte waŋ hi. Al gobe yiŋgeŋ ge turuŋ turuŋ ma teŋ hi. Niŋgeb al gobe doŋki hende waŋ hi. Doŋki gobe foŋeŋ,’ yinnayiŋ,” yitiŋ hi.

Irkeb Yesu beleŋ wol heŋbe, “Deŋbe Al Kuruŋyen mere gahade katiŋbe ma keneŋ haŋyen? Merebe gahade: ‘Ya yird yird mar beleŋ igiŋ moŋ yeŋ nurde pel iramiŋ hora goyen al hoyaŋ beleŋ teŋ go hende ya saŋiŋ wor po iryiŋ. Go iryiŋ gobe Doyaŋ Al Kuruŋ beleŋ iryiŋ. Niŋgeb Al Kuruŋ beleŋ iryiŋ gob dilniniŋdebe igiŋ wor po yeŋ keneŋ hite,’ yitiŋ hi.

“Niŋgeb fudinde wor po dineŋ hime. Deŋbe Al Kuruŋ beleŋ alya bereyamiŋ doyaŋ yirde hi bana goŋ hitek gega, dakira teŋbe Al Kuruŋ diliŋde mata igiŋ teŋ hinayiŋ mar goyen po gab yunyeŋ.