Populära bibelverser från Lukha 3

Dela

Kwatsi nase babhajatiswe bonkhe, kwase kubhajatiswa naJesu. Watsi asathandaza kwavuleka lizulu, Moya Longcwele wehlela kuye afana nelituba. Kwevakala livi liphuma ezulwini litsi: “Wena uyiNdvodzana yami letsandzekako. Ngitfokotile ngawe.”

Ngako Johane wabatjela bonkhe watsi: “Nginibhabhatisa ngemanti, kodvwa kukhona lomkhulu kunami lotako, lengingakafaneli ngisho nekutfukulula imichilo yeticatfulo etinyaweni takhe. Utakunibhabhatisa ngaMoya Longcwele nangemlilo.

Vetani titselo letikhombisa kuphendvuka. Ningacali nicabange kutsi: ‘Abrahama ngukhokho wetfu.’ Ngiyanitjela ngitsi: Nkulunkulu angawatsatsa nalamatje awente titukulwane ta-Abrahama!

Lizembe selibekwe emphandzeni yetihlahla. Sonkhe sihlahla lesingatseli titselo letimnandzi, sitakugecwa siwe, bese silahlwa emlilweni.”

Njengobe umphrofethi Isaya wabhala encwadzini yakhe watsi: “Livi lalomemeta ehlane litsi: ‘Lungisani indlela yeNkhosi! Nente imikhondvo yayo icondze! Tonkhe tigodzi atigcwaliswe, tintsatjana netintsaba tentiwe tihlangane; netindlela letingakacondzi ticondziswe, tindlela letimbi tentiwe tihambeke. Bonkhe bantfu bayakuyibona isindziso yaNkulunkulu!’ ”