Populära bibelverser från 2 kubaseThesalonika 2

Dela

Ningayengwa ngumuntfu nome ngani, ngobe lelo langa lingeke lifike kungakefiki kuhlubuka lokukhulu kucala, kwembulwe umuntfu longenamtsetfo, indvodzana yekubhujiswa.

Kodvwa tsine simelwe kutsi sibonge Nkulunkulu njalo ngani, bazalwane labatsandvwe yiNkhosi, ngobe Nkulunkulu wanikhetsela kutsi nibe bekucala ensindzisweni ngekuhlantwa nguMoya, nangekukholwa liciniso.

Lowo uyakuhlala aphika atiphakamise ngetulu kwako konkhe lokubitwa ngaNkulunkulu nome lokukhontwako, kuze atewuhlala endzaweni lengcwele yaNkulunkulu, atigabatise yena ngekutsi unguNkulunkulu.

Shangatsi Jesu Khristu iNkhosi yetfu matfupha, naNkulunkulu, longuBabe lowasitsandza, kwatsi ngemusa wakhe wasikhutsata ngendvudvuto yaphakadze, wasipha nelitsemba lelihle, angadvudvuta tinhlitiyo tenu, anakhele kuyo yonkhe imisebenti lemihle nakuwo onkhe emavi lamahle.

Ngako-ke Nkulunkulu ubatfumelela emandla enkhohlakalo, kuze bakholwe loko lokungemanga.

Kufika kwalongenamtsetfo ngumsebenti waSathane. Uyawufika anawo onkhe emandla, netibonakaliso, netimangaliso letingemanga, nayo yonkhe inkhohliso yekwedukisa lababhubhako, ngobe abazange balitsandze liciniso laKhristu labebangasindziswa ngalo.

Ngobe emandla ekubate umtsetfo asacalile kusebenta ngendlela lefihlakele, intfo nje lona losavimbile kwamanje utawuchubeka ente njalo, adzimate asuswe