Populära bibelverser från 1 kubaseKorinthe 6

Dela

Anati yini kutsi umtimba wenu ulithempeli laMoya Longcwele lohlala kini, lenamemukela kuNkulunkulu, nekutsi futsi anisibo benu? Nine nibaNkulunkulu, natsengwa ngelinani lelikhulu. Ngako-ke mdvumiseni Nkulunkulu emitimbeni yenu.

Anati yini kutsi labangakalungi abayikulidla lifa lembuso waNkulunkulu? Ningayengeki: Tingwadla, nalabakhonta tithico, netiphingi, nalabadvuna labalalanako, nemasela, nalababukhali, netidzakwa, nalabetfukako, netigebengu, bangeke balidle lifa lembuso waNkulunkulu.

Balekelani bugwadla nebuphingi. Tonkhe tono latentako umuntfu tingephandle kwemtimba wakhe; kodvwa logwadlako nome lophingako wona umtimba wakhe.

Kutsiwa: “Konkhe kuvumelekile kimi,” kodvwa akusiko konkhe lokulusito. Yebo, “konkhe kuvumelekile kimi,” kodvwa kute nakunye lokunekungigcilata.

Nkulunkulu wayivusa iNkhosi, natsi uyawusivusa ngemandla akhe.