Populära bibelverser från Matsayo 24

Dela

Ne khulwa okhumeetekha khwobumayaanu, obuheeli bwabanji bulanyira. Nebutswa owifwila okhuula khushihesi, omwenoyo alahonibwa.

Ne injiili yino yobwami yileelwatswa mubialo biosi, yibe oburumbusi khumahanga kosi; kho mana eshihesi shiliula.

Ne mulahulilanga khukobusoolo nende amakhuwa kamahe; mwirecheshe muleshe okhuhenda; okhuba ako kakhoyile okhwikhola; ne obumaliilishi nibushili.

Okhuba lihanga lilabuushila khwihanga lindi, khandi oburuchi khuburuchi bundi; khandi inzala nende okhurenga khweshialo bilabaho eyi nende eyi. Ne ako kosi nokhuchaaka butswa khweinumwa.

Likulu nende eshibala bilihwaho; ne amasungo kanje shikalihwaho ta.

Okhuba abanji bakheetsenje muliira lianje, nibaboola bari Nisie Kristo; nibabashiamia bario abanji.

Mana balamukhobana mumatinyu, nibamwira; ne mulakiywa namahanga kosi khulwa eliira lianje. Mana abanji baleesichirala, nibakhobana abeene nabeene, nende okhukiyana. Khandi abanabii bobubeeyi abanji balabuushilamwo, nibashiamia abanji.

Naye Yesu nakalusia nababoolela ari Mwirecheshe, omundu yesi aleshe okhumushiamia.

Kho mana nineenywe mwesi murio, mwirecheshe; shichila khusaa eya murapaarakhwo ta, Omwana wOmundu yeetsa okhwitsa.

Kho mubeetsenje meeso, shichila shimumanyile neinyanga shi eya Omwami weenywe anyala okhwitsilakhwo ta.

Ne inyanga yene kata isaa, abulaho oumanyilekhwo, kata abamalaika abomwikulu ta, kata Omwana, habula Samwana yenyene.

shichila balibuukha abaKristo bobubeeyi, nabanabii bobubeeyi, nibalolosia ebilolelo ebikali nende akamakana, khulwa okhukosia kata abalobole, nikaba nikanyalikha.

Ne shinga tsindaalo tsiaNoa olwa tsiali, nolwa okhwitsa khwOmwana wOmundu khulaba khurio. Shichila shinga olwa bali nibaliitsanga nende okhunywa, nibateeshinjia nende okhuteeshibwa, mundaalo etsio Omuyembo nikurashiabaho ta, okhuula khunyanga eyo olwa Noa yeenjila musafina, nibaramanya ta okhuula olwa Omuyembo kwoola nikubakholomosia bosi, nolwa okhwitsa khwOmwana wOmundu khulaba khurio.