Populära bibelverser från ᒨᓯᓯ ᓯᕗᓪᓖᑦ 22

Dela

ᐂᑉᕋᕼᐋᒻᓗ ᑖᓐᓇ ᓇᔪᕐᑕᓂ ᐊᑦᓯᕐᐹ, ᐊᑕᓂᖅ ᐱᒃᓴᖃᕐᑎᑦᓯᓂᐊᕐᐳᖅ; ᐅᓪᓗᒥᒧᑦ ᑎᑭᓪᓗᒍ ᐅᖃᐅᓯᐅᕙᓕᕐᐳᖅ, “ᐊᑕᓂᐅᑉ ᖃᖅᑲᖁᑎᖓᓂ ᐱᒃᓴᖃᕐᑎᑕᐅᓇᕐᐳᖅ.”

ᒎᑎᐅᓪᓗ ᐅᖃᐅᑎᓕᕐᐹ, “ᐃᕐᓂᑐᐊᑦ ᓇᒡᓕᒋᒻᒪᕆᒃᑕᑦ ᐂᓴᑭ ᓇᒃᓴᕐᓗᒍ ᒧᕅᐊᑉ ᓄᓇᖓᓄᓐᖓᐅᒋᑦ, ᐃᕐᓃᑦ ᐂᓴᑭ ᐃᑯᐊᓪᓚᒡᓗᒍ ᑐᓂᕐᕈᓯᐅᑎᔭᕐᑐᕈᒃ ᖃᖅᑲᓂ ᐃᓂᒋᓂᐊᕐᑕᑦᓯᓐᓂᒃ ᑍᑲᓂ ᐅᖃᐅᑎᔪᒫᕐᐸᒋᑦ.”

ᐅᖃᐅᑎᕚᓗ, “ᓄᑲᑉᐱᐊᖅ ᐋᓐᓂᕐᑍᓕᒍᒃ ᖃᓄᐃᓕᑦᑍᓕᓗᒍᓗ; ᒫᓐᓇ ᖃᐅᔨᕗᖓ ᒎᑎ ᓯᕘᕋᒋᒐᕕᐅᒃ, ᐃᕐᓃᓪᓗ ᐊᓐᓂᕆᖏᓐᓇᕕᐅᒃ, ᐃᕐᓂᑐᐊᑦ.”

ᐂᑉᕋᕼᐋᒻᓕ ᑭᐅᕚ, “ᒎᑎᐅᑉ ᑐᓂᕐᕈᑎᒃᓴᖅ ᑐᓂᓂᐊᕐᐹ ᐃᕐᓃᒃ.” ᑕᕝᕙ ᐱᓱᖃᑎᒌᓕᕐᐴᒃ.

ᓱᓕᔪᒥᒃ ᓮᒻᒪᕐᑎᑦᓱᒫᕐᐸᒋᑦ, ᑭᖑᕚᒃᓴᑎᑦ ᐅᓄᕐᓯᑎᑦᓱᒫᕐᐸᒃᑲ ᕿᓚᖕᒥ ᐅᓪᓗᕆᐊᑎᑐᑦ ᓯᐅᖅᑲᑎᑐᓪᓗ ᑕᕆᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᓂᒃ. ᑭᖑᕚᑎᓪᓗ ᐊᑭᕋᒥ ᐃᑎᕐᑕᕐᕕᖏᓐᓂᒃ ᐱᓯᒪᔪᒫᕐᐳᑦ. ᑭᖑᕚᒃᑯᓪᓗ ᐃᓅᖃᑎᒌᒡᔪᐊᓕᒫᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ, ᓂᐱᒐ ᓈᓚᓚᐅᕋᕕᐅᒃ.”

ᑕᒪᒃᑯᐊ ᖄᖏᕐᓯᒪᓕᕐᑎᓪᓗᒋᑦ ᒎᑎᐅᑉ ᐂᑉᕋᕼᐋᒻ ᖃᐅᔨᓴᓚᐅᕐᐹ, ᐅᖃᐅᑎᓪᓗᒍᓗ, “ᐂᑉᕋᕼᐋᒻ!” ᐂᑉᕋᕼᐋᒻᓗ ᑭᐅᕚ, “ᒫᓃᑉᐳᖓ.”

ᐊᑕᓂᐅᓪᓕ ᐂᖏᓕᖓᑕ ᕿᓚᖕᒥᑦ ᓂᓪᓕᕐᕕᒋᕚ, ᐅᖃᕐᓗᓂᓗ, “ᐂᑉᕋᕼᐋᒻ, ᐂᑉᕋᕼᐋᒻ!” ᑖᓐᓇᓗ ᑭᐅᕗᖅ, “ᒫᓃᑉᐳᖓ.”

ᐊᑕᓂᐅᓪᓗ ᐂᖏᓖᖓᑕ ᐂᑉᕋᕼᐋᒻ ᐅᖃᕐᕕᒋᒃᑲᓐᓂᕐᐹ ᕿᓚᖕᒥᑦ; ᐅᖃᕐᓗᓂᓗ, “ᐅᕙᖓᐅᓂᕋ ᐊᑐᕐᓗᒍ ᐅᖃᕕᓚᐅᕐᐳᖓ, ᐊᑕᓂᖅ ᐅᖃᕐᐳᖅ, ᑍᒤᓕᐅᓚᐅᕐᓂᕐᓄᑦ, ᐃᕐᓃᓪᓗ ᐊᓐᓂᕆᓚᐅᖏᓐᓇᕕᐅᒃ, ᐃᕐᓂᑐᐊᑦ

ᒎᑎᐅᓪᓗ ᐃᓂᒋᔭᐅᖁᔭᖓ ᑎᑭᓐᓇᒥᒃᑯᒃ, ᐂᑉᕋᕼᐋᒻ ᑐᓂᕐᕈᓯᕐᕕᒃᓴᒥᒃ ᓴᓇᕗᖅ; ᕿᔪᐃᓪᓗ ᖄᖓᓄᑦ ᐋᖅᑭᒃᓱᑦᓯᐊᕐᓗᒋᑦ, ᐃᕐᓂᓂᓗ ᐂᓴᑭ ᕿᓚᒃᓱᕐᐹ, ᕿᔪᐃᓪᓗ ᑐᓂᕐᕈᓯᕐᕕᐅᑉ ᖄᖓᓃᑦᑐᑦ ᖄᖓᓄᐊᕐᓗᓂᐅᒃ