Populära bibelverser från Saint Maitthieu 21

Dela

Peu quoi que ce sait quo vos demandîz dans lai priére aivô foi, vos l’obtînriz.

Ailours Djîsus leû dit: I vos dis pou di sûr que se vos ez de lai foi, et peu que vos n’hésitîz pont dans vôte cœu, vos ne ferîz pais seulement ce que vos veniz de voure dans ce figuie; main quand mainme vos dirîz ai c’te montaigne: Rôte‐te d’iqui, et peu tchampete dans lai mâ, çouqui se ferai

Peu tretous, aussi bîn ceux qu’ollînt devant lu, que ceux que lou seuillînt, criyînt: Hosanna, sailut et peu gloire ai l’Offant de Dâvid: beni sait c’tu que vînt au nom di Seigneu: Hosanna, sailut et peu gloire li sait au pus hiaut di cîl.

Et peu è leû dit: L’ost écrit: Mai môson serai aippela lai môson de lai priére: et peu vos autres vos en ez fât ne caivâne de voulous.

Dites ai lai feuille de Sion: Voiqui vôte Roi que vînt ai vous, pion de douceu, monta desus n’ânesse, et peu desus l’ânon de c’tée qu’ost desous lou djoug.

Djîsus aidjouta: N’ez‐vous djaimâs lu c’te pairoûle dans las écritures: Lai pîre qu’ost aivu retchampa pai ceux que bâtissînt, ost devenie lai premére pîre de l’angye? Ç’ost ce que lou Seigneu ait fât, et peu vos œûils lou voyant aivô de l’ébaihissement?

Ç’ost pouquoi i vos déquiâre que lou royaume de Due vos serai rôta, et peu qu’è serai beillie ai în peupye qu’en prôdurai las fruts.