Populära bibelverser från SGK 37

Dela

Ǹ kɔn pinaa, Zozɛfu nə́ n narɛ, á bɛa narɛɛ lɛ laakalaa ǹ golon lɛn manɛ. Bɛ́ wusoo a ná a tìĩ bɔ ǹ nyin ni doo, á la lɛlɛ wɔ kɛ nɛ.

Zakɔba na á goã Zozɛfu narɛ á la a nɛnyaanan gialakunun kɛn manɛ, a giala, a zizi-kɔ gɔ́ɔ̃-n nɛ á yɛ. Á dɔnkɛ sɛsia sonbore nimi á kɔ la.

Ǹ golon lɛn nə́ yɛ, mà Zozɛfu sii a kɔɔ̃nɛ ǹsɛn di lɛ ganaa, á la ǹsɛn tumaa nɛ. Ǹ golon lɛn nə́ da ǹ gɔ́ɔ̃ nɛ, ǹ boo la ǹ nə́ boo da-n doo ka bɔlɔ bǐɛ̃-n wa.

Bɛ kio, Zozɛfu wusoo á narɛɛ kɔsɔ wɔ doo, á bɛ dɔ laakalaa ǹ golon lɛn manɛ. Á pɛ ǹ nɛ: «Á ke. Man má n narɛ doo, ka wasa nɛ, ka mui laanka leere fulugoon ne, ǹ nə́ daa kaa tán ma giulun.»

Ǹ golon lɛn nə́ baa zɔ́ɔ, sɛnɛ, ǹ di lɛ bɛa sii lɛ koa a yiri ni.

Á pɛ ǹ nɛ. «Ma narɛɛ mɛn wɔ, ka n too kɔ li. Ma n má n narɛ, ka wɔ ǹ *belee kuri, wɔ́ n yii gɔn sara yii kiɛ tán. Bǎã goon ne gɔrɔ, masɛ a gɔn sara yii yoo, á n tele á golee lon. Kaa gɔn sara yiin lɛn nə́ daa masɛ wɔ lɛ lɛnpɛnɛ, ǹ nə́ kaa tán a giulun.»

Ka daa wɔ dɔ a ganaa wɔ dɛ, wɔ a gere saa, wɔ zũ nyankɔrɔ kɛ goon ne. Bɛ̀ wɔ dɔ piɛ, wɔ á re pii, wáa don màn babaraa na á kũ. Bɛ̀ a narɛɛn lɛn man die n biɛ lɔn kəni, wɔ á re yii.»

Madiã minin pii-kɔlen bɛ́ kiɛ̃ walan, bɛn nə́ Zozɛfu bɔ, ǹ nə́ bɔ nyankɔrɔ zuzulu lɛ nɛ, ǹ nə́ sã Isimayeli tɔrɔn la, ǹ dinin wɔrɔ we fuə, bɛn nə́ woo-n Ezipti gána nɛ.

Ǹ nə́ pɛ kɔn nɛ: «Haya! Narɛɛn-wɔle lɛ á ke die.

Sɛnɛ, ǹ golon lɛn nə́ toa sɔsɔɔ, ǹ nə́ yɛ. A laan bɛ̀ a dɔ ǹ li, ǹ nə́ n lɛ kaa kun, mà ǹ daa ǹ dɛ a gã.

Wɔ baran gɛ̀ dɛ wa. Ka kũ wɔ zũ nyankɔrɔ gole kɛ-n don, ka baran dɛ wa.» Urubɛn na á bɛ pɛ, màn mɛn bɛ́ toɛ, a Zozɛfu kanbaa ǹ ganaa, a wo kɔ ǹ di la.