Populära bibelverser från MATIU 21

Dela

Ni danaya ma‑a wo ɔ Yataa ko a, ɛ ko ɔ ko chɛ‑a wan wo ye, wo e samunɛ chɛ‑a min ko a.”

Mbɛ Chisɔsi ɔ, “N ni a ma din wo tena, wo e koe chɛ ma wan, n‑na min ma ka fiki kɔn chɛ a, ni danaya ma‑a wo ɔ Yataa ko a, mbɛ a sin sika ee wo ɔ. A sin mbe ee danka‑a chɛ dechee an ma. Chɛɛ wo e a fɔ‑a wan kɔnkɔɛ chɛ ma, wo ɔ, a ni kuɛn, a ni ta, a ni si yii wa ɔ, mbɛ a ma‑a, yɔ wo‑a a fɔ buɛ min dɔ.

A ya ɔ mɔɛ nu, a basan a gbaa mɔɛ n na, an‑na yee tɛ wan, an dɔ, “I wɛn bɔ‑a Mansa Defidi 'a dambi ɔ, nn ni i tando. Mansa Yataa ni mɔɛ chɛ dua, min na‑a a tɔɛ ɔ. Tando ni ma Yataa tɔɛ ma banda bu ɔ.”

Mbɛ a‑a a fɔ an ye, a ɔ, “A nyɛnden fan mu Yataa 'a gboo ɔ, mbɛ Yataa‑a a fɔ wan, a ɔ, a 'a chenɛ ɛ ma‑a samun chɛ koe an na. Chɛɛ wo‑a a 'a chen chɛ mun gbɛ kanka n nun tena an na.”

“Wo a fɔ mɔɛ n ye Chuusaɛn duu wa chɛ ɔ, wo ɔ, an ni an ya a ta, an 'na mansa yen ko na‑a an tena. Wo ɔ, a ɔ ma panda ni. Wo ɔ, a sin mbe si ɔ sofɛ an kɔ, sofɛ den tɔngbɔɛ kaima.”

Mbɛ Chisɔsi ɔ, “Ɛ wan n yii ma, mbɛ wo‑a a kan fan Yataa 'a gboo ɔ, a 'a gboo kaka min‑na a fɔ, a ɔ, ‘Chen sɔ mɔɛ n na‑a ban senɛ min dɔ, an dɔ, a ma nyin, an gbu ma‑a gbɛ senɛ kuu ba wandi a, chenɛ gbu ko a. Yataa an‑na chɛ ma. A sin mu kamaya koe an na mmɔ ya a.’ ”

Mbɛ Chisɔsi ɔ te gbɛ, “Chɛ an fɛ mu, n ni a ma din wo tena, mbɛ gbasaya min gbɛɛ ɛ wo boo ɔ, ma koe a Yataa 'a mansaya kɔɔ, Yataa ɛ a gbasaya chɛ bɔ‑a wan wo boo ɔ. Mbɛ a‑a a be mɔɛ chɛ n ma, miin mbe a faa ma koe n ma‑a.