Populära bibelverser från Genesisi 37

Dela

Sekoko, dimwani da masiku, Josefa a to lora ni wusiku, se ngu msana a to txhamusela mloro wuwa ka vanawe; ngu mhaka yeto, livengo lawe li to kula ngutu.

Se Israyeli a ti ti randa ngutu Josefa, kupinda votshe vanana vakwe, nguko i ti mwanana wa wukhovana wakwe; se a to rumisa ku e rungelwa dibhaji do lapha da mixowo yayingi.

Vanawe ngako va txi wona ti to tate wawe a randa ngutu Josefa, kupinda votshe vamwani vanawe, va to khata ku m'vengela ngutu, va si lavi ni kuwombawomba nayo ngu kuthutha.

Ene a to lora wumwani mloro, awu a nga wu xawutela ka vanawe, a txi khene: “Ni lorile wumwani mloro: Ni woni ditambo, mtxima ni digumi da tinyeleti ni yimweyo, na si txi ni khizamela.”

Vakomwakwe va to zumba va txi m'vengela; kambe tate wawe a to veketa mapimoni kwakwe timhaka tiya.

Ene a va gete, a txi khene: “Engisani timhaka ta mloro wu ni nga va nawo: Hi ti ti maneka hi di thembweni, hi txi sunga tinyanda ta fulaho; nyanda yangu yi to wuka yi txi ema, se tanu tinyanda ti to randela nyanda yangu, ti txi yi khizamela.”

Ngonani hi ta m'daya hi txi mrinza amu ka diphala dokari, hi na ya womba ti to txihari txokari txa txitinga txi m'date, txi txi m'dya. Hi lava kuwona ti to miloro yakwe yi na thuma txani!”

Ku ti ngako vanyamabhindu va Midhiyani va txi pinda ngu hafuhi kwawe, vona va to humisa Josefa ngu mu diphalani, ve mxavisa Josefa ka va ka Ismayeli ngu magumi mambidi a maxekele a silivhela, se vanyamabhindu va to mteka, ve tsula nayo Egipta.

Va to wombawombisana va txi kha vona: “Ndiyole nyamilorwani, wata!

Vona va mu woni a di ngadi kule, se na a sanzi kuhoka hafuhi kwawe, va to langana ti to ve m'daya.

Rubheni a to engeta, a txi khene: “Hi nga theketeni mnoha wakwe! Mrinzeni ka diphala da mu txiwulani, aniko mi nga mpfinyeni ngu manza anu! Ene a ti ko zama ku m'hulukisa manzani kwawe, kasiku e mtshumeta a txi m'yisa ka tate wakwe.”