Populära bibelverser från Motíosi 26

Dela

Kúlée nɔnɔ, no bósógolonyo goŋaá no do obɛ́ná naá magálá má ɛsɔgɛdɔ. Ɛdɛ́má yɛnyɔ́ ɛ lɛ́ dácɛ na bɛnɔ́gɔ́ bá mbééníŋínyí, kanɛ́ nnyɔ́dɔ ɛ lɛ́ na bonɔ́nɔ́.»

A báá lɛ gó bó oyana kanɛ́ a amɔ́: «Odɛ́má yámɛ yó lɛ́ dácɛ na mecíkílí má nigúe. Gɛ́gáa nɔnɔ háalá, dɛ no kúle.»

Gɛ́hɛ́ go báyɛkɛna naá busío, go bádába mɔŋgɔlɛ́, go ɛ́da go bósógolonyo a amɔ́: «Eé Baaba, boóma bá ndɔlɛ bó do báá naá maamɔ́ɔ, tóŋónɛ́náamɔ́ ɛnnyóɛ́ná há makánya hɛ́ɛhɛ. Akɛ́ nɔ́ɔnɔ moánɛ, bó do báŋaáa aŋa yɔmɔ́ɔ ndɛ́galɛgamɔ́, goana go ndɛ́ga yahɔ.»

mammana, bɔ́ɔbɔ bó lɔ́mɔ́ manɔ́ŋɔ́ mámɛ, manɔ́ŋɔ́ má Gɛlada bugúle na Asaŋa, máama má lɔ́mɔ́ udúgéelú go gɛca gá batɔ, go ihéehinye há bɛlɔgɔ.

Gɛcamɛna gɛ́ɛgɛ bá mbaá lɛ́ bá nyáanya, Yésusu go gɔ́lɔ gɛlɛ́dɛ, a báá béhiigí Asaŋa, gɛ́hɛ́ go gɛ́ gɛ́sagɛsa, go íŋene behúúní bɛ́hɛ́ a amɔ́: «Gɔ́lɔ́ nɔnɔ no nyáa, bɔ́ɔbɔ bó lɔ́mɔ́ nnyɔ́dɔ yamɛ.»

Naá nnyimé, gɛ́hɛ́ go gɔ́lɔ ɛnnyóɛ́ná na mɔgɛ́bɔ kɔ́ɔ, a báá béhiigí Asaŋa, go bó íŋene a amɔ́: «Nyóɛ́na nɔnɔ bɛɛnyɔ́ biimée

Gɛ́hɛ́ go gɔnɔ nco gunde na nnyimé anáa behúúní bɛ́hɛ́ bá mbaá lɔmɔ́, go bó gíde go dɔnɔ́ɔ. A báá lɛ gó oyana Píele a amɔ́: «Bó dúfenye goŋaá no lɛ́ kanɛ go bɛa bogaaga bá go kúlide namɛ akɛ́ gigúlí gímmue!

Ŋgaá nyó oyáná mammana caá: cɛ ŋgá gɔnɔ nyóɛna mɔgɛ́bɔ máama gó lama gó ɛ́da héme naá buisí bɔ́ɔbɔ ka ŋgaá nyóɛ́ná má mafáa olɔŋɔ nɛnyɔ́ naá Bufuŋe bá Baaba.»

Gɔ́ɔ Píele a dómbamɔ́ go béeniŋinye nogálɔ ná Yésusu nɔ́ɔnɔ a mbaá mo gálɛ́dá a amɔ́: «Otóotoɛ yá goŋaá gɛnɔ́mɛ gá ŋgɔɔ́ gɛ́ dádɛda, o gaá ŋá o báa go mbásáŋona ɛŋɛndɔ ɛ́dadɔ́.» Gɛ́hɛ́ go húme, a báá dúmbúgé na mbií gɛbɛ́ gɛbɛ́.

Fadɛ́gɛ́na nɔnɔ dɛ no dómba. Ɛ́ná nɔnɔ, mɔtɔ mɔ́ɔnyɔ a túenenemú a ná lɛ́ hɔ́ɔ.»

Gɔ́ɔ Yésusu a mo oyanamɔ́ a amɔ́: «Gundíe kalafɔ yahɔ naá cágá, goakɛ́ uŋkimée mɔ́ɔnyɔ a somonamɔ́ kalafɔ go go óna mɔtɔ, bá ŋga mo óná na kalafɔ.