Populära bibelverser från လံာ်မးသဲ 18

အဂ့ၢ်ဒ်အံၤ, ဖဲပှၤခံဂၤမ့ၢ်ဂ့ၤ, သၢဂၤမ့ၢ်ဂ့ၤပာ်ဖှိၣ်ထီၣ်အသးလၢ ယမံၤအပူၤန့ၣ်, ယအိၣ်လၢအဝဲသ့ၣ်အသိးအကျါလီၤ.”

ယစံးဘၣ်တဲဘၣ်ကဒီးသု, ပှၤလၢသုကျါခံဂၤလၢဟီၣ်ခိၣ်ချၢအံၤအသးမ့ၢ်လီၤပလိာ် လၢတၢ်တမံၤမံၤအဂ့ၢ်လၢအဃ့ဝဲန့ၣ်ဒီး, ယပၢ်အိၣ်လၢမူခိၣ်ကမၤန့ၢ်အဝဲသ့ၣ်တၢ်လၢအဃ့ဝဲန့ၣ်လီၤ.

ဒီးအဝဲကိးန့ၢ်ဖိသၣ်တဂၤဒီးဒုးအိၣ်ဆၢထၢၣ်အီၤလၢအဝဲသ့ၣ် အမဲာ်ညါ ဒီးစံး, “ယစံးဘၣ်သုတၢ်မ့ၢ်တၢ်တီအံၤလၢ, မ့တမ့ၢ်ဘၣ်လၢသုလဲလိာ်သုတၢ်ပာ်သူၣ်ပာ်သး, ဒီးကဲထီၣ်ဒ်ဖိသၣ်တဖၣ်အသိးဘၣ်ဒီး, သုတလဲၤနုာ်ဘၣ်ဆူမူခိၣ်ဘီမုၢ်အပူၤနီတဘျီဘၣ်.

ပှၤအဒိၣ်ကတၢၢ်တဂၤလၢမူခိၣ်အဘီမုၢ်အပူၤ, မ့ၢ်ပှၤလၢအဆီၣ်လီၤအသးဒီးကဲထီၣ်ဒ်ဖိသၣ်တဂၤအံၤအသိးလီၤ.

ပှၤတဂၤလၢ်လၢ်လၢအတူၢ်လိာ်ဖိသၣ်ဒ်အံၤတဂၤလၢယမံၤန့ၣ်, မ့ၢ်အတူၢ်လိာ်ယၤလီၤ.

ယစံးဘၣ်တဲဘၣ်သုတၢ်မ့ၢ်တၢ်တီ, ဖဲဒၣ်တၢ်လၢသုတြီဃာ်လၢပှၤအသုတမၤလၢဟီၣ်ခိၣ်ချၢတဂ့ၤ တမံၤမံၤန့ၣ်, ကဘၣ်တၢ်တြီဃာ်အီၤလၢမူခိၣ်, ဒီးဖဲဒၣ်တၢ်လၢသုပျဲပှၤကမၤအီၤလၢဟီၣ်ခိၣ်ချၢတမံၤမံၤ န့ၣ်, ကဘၣ်တၢ်ပျဲမၤအီၤလၢမူခိၣ်လီၤ.

လၢတၢ်န့ၣ်အဃိ, သုမ့ၢ်တပျၢ်ကွံာ်ဘၣ်သုဒီပုၢ်ဝဲၢ်အတၢ်ကမၣ်လၢသုသးကံၢ်ပူၤ ဘၣ်ဒီး, ယပၢ်လၢမူခိၣ်ကမၤသုဒ်န့ၣ်အသိးစ့ၢ်ကီးလီၤ.”

ပှၤတဂၤဂၤလၢအဒုးလီၤဃံၤပှၤအဆံးဒ်သိးအံၤတဂၤလၢအသုတနာ် ယၤလၢၤတဂ့ၤန့ၣ်, ဆၢၣ်ဂူာ်လၢၢ်ဖးဒိၣ်တဖျၢၣ်မ့ၢ်ဘၣ်တၢ်စၢထီၣ်အီၤလၢအကိာ်လိၤ ဒီး, မၤလီၤအုးကွံာ်အီၤလၢပီၣ်လဲၣ်အတၢ်ယိာ်ပူၤန့ၣ်, ကဂ့ၤဒၣ်တၢ်တက့ၢ်လီၤ.

သုဆိကမိၣ်ဒ်လဲၣ်, ပှၤတဂၤအသိအိၣ်တကယၤ, ဒီးအကျါတဒုမ့ၢ်ဟးဖျိးဒီး, ကပာ်တ့ၢ်အသိခွံဆံခွံဒုလၢကစၢၢ်အလိၤ, ဒီးကလဲၤဃုက့ၤသိလၢအဟးဖျိးတဒုန့ၣ်တမ့ၢ်ဘၣ်ဧါ.