Populära bibelverser från aMatiyu 26

Dela

Sor yin ne i tor yin ne i nye yin aduwa fan i bu kpas yin kaye̱e̱r kubo̱mo̱ng. Kabik shim amma kuro̱m'e se gbe̱re̱k.”

Ayong a fe̱ be ba ye, “Riye̱ riwe ri tase kaye̱e̱r riye̱ mi sak ma mi fok ye, mi tà ku. Sor yin aze ne i tor yin be mi.”

Nizen aYeso tá tseng nasho̱o̱n cie̱k, ne a tigbok akuur a ta te akace a ta nye aduwa ye, “Ada, ke i ta se gye̱r, ne wan sok ako̱p risam na rice mi, amma sang ike̱ng iya mi ta shim baꞌ, iya wan ta shim.”

Iyu ne i nye naso̱k'i, nafe kushu kufas na, aya a tana nyosong kamok ánerawe whe̱re̱ nong a tin re̱ng rine̱n ba.

A ta se be kuya naya'me, yong aYeso sok abiredi, a tin tonong riye̱ rikan be Adakunom ne a te̱se̱ng a tá fe̱ ye, “Inga ya yin, iyu nye kuro̱m'i.”

Ne a sok ashi anap, nama a tá tonong riye̱ rikan be Adakunom, a tú ku no̱o̱k ba, ne a fe̱ ye, “Inga so̱ yin, cice̱r yin.

Ayong a bun a tú ku bun nufe álimazhiri wu ne a ku se̱ ba nida, ne a fe̱ be aBitrus ye, “Akye̱ sak yin ta sor yin ne i tor yin be mi nizen cie̱k baꞌ e̱?

Won ta ka tak yin, mi ta ba so̱ ashi anap na baꞌ, ma katuk afe mi tana so̱ akak afas mak be yin kaye̱e̱r rigwo̱m Ada mi.”

Ne aBitrus ma yiring be rife̱ aYeso tá tsang a fe̱ be wu ye, “Atso̱n ta tsang a te̱p baꞌ, wan ta fe̱ ye, ‘Wan ti ren baꞌ,’ kutak kutaar.” Ayong a wuruk nufang a ta se ya kanak.

Dorok yin nong tá tseng yir. Aner a tanin re̱p na an be̱.”

Ayong aYeso fe̱ ye, “Kute itsor wan kaye̱e̱r kubas'e, kamok koangan afe a ta tun itsor na afudang be itsor ne a tu ku fe̱r mo.