Populära bibelverser från MATIUS 23

Dela

Séé'-séé' éh ja'au belah ka'ah, tekep iah ngerera' kivu sohoo' keh awah.

Séé'-séé' éh ngajung usah néh tengéé', Tuhan ngera' éh kepéh, séé'-séé' éh ngediva' kenin néh, Tuhan ngajung iah kepéh, ha' Yésus ngan réh.

Tusah mu'un ngan ka'ah guru éh nebaraa' tong Sohoo' lem Surat Musa ngan ka'ah kelunan Parisi. Uban keh ngelayoo' awah sebayang. Ka'ah Mena' tulat poloo' pah avéé' kekat arong éh kenelet keh ngan ba'an barei. Selasih ngan kekat éh siik kenat ngan Allah. Bang bé' ka'ah kivu ha' Sohoo' lem Surat Musa éh pu'un gunah mu'un inah éh Pengeteneng Penika ngan pengetigéh kekat inah tekep keh maneu' éh ngan Mai ngelepan kekat tebaraa' éh jah kepéh.

Ha' Yésus kepéh, Pika ka'ah guru éh nebaraa' tong sohoo' lem Surat Musa, kenat péh ngan ka'ah éh kivu adet Parisi, adang keh pu'un tusah mu'un uban keh ngelayoo' awah sebayang. Inah kepéh, pinaa' adet keh pohéé' likot sawan ngan pigan, bang lem néh pu'un kekat arong éh nalaa' keh jin keh ngebuyuk kelunan ngan nyelepéé' kenin péh.

La'ah ha' Yésus, Yérusalem, Yérusalem, pu'un keh mematai irah nabi Tuhan, ngan memateu' irah lawah Tuhan. Kuraa' koléé' Akeu' juk alaa' ka'ah barei' iap alaa' anak néh ra' pawit néh, bang bé' ka'ah keloo' laa' Ké'.

Kenat keh ne', hun kelunan na'at keh, pu'un réh seruh keh kelunan éh maneu' pengeloo' Allah, bang lem kenin keh mu'un penoo' neu' kekat éh ngelavo' réh awah ngan kekat arong kesa'at, ha' néh.