Psalms 8:1-9

O ZOT, Zoti ynë,
sa i mrekullueshëm është emri yt mbi tokën mbarë!
Mbi qiej e shpalos madhështinë tënde.
Me gojën e fëmijëve dhe të foshnjave
tregove fuqinë kundër armiqve të tu,
që t'i bësh të heshtin armiq e kundërshtarë.
Kur vështroj qiellin, veprën e duarve të tua,
hënën e yjet që ti krijove,
ç'është njeriu që të kujtohesh për të,
apo biri i njeriut që të kujdesesh për të?
Pak më pak se Perëndi e bëre,
e kurorëzove me nder e me lavdi.
I dhe pushtet mbi veprat e duarve të tua,
gjithçka ia nënshtrove nën këmbë:
mbarë dhentë, gjedhët
dhe egërsirat e fushës,
zogjtë e qiellit, peshqit e detit,
gjithçka që shtigjet e deteve përshkon.