Psalms 119:1-8

Lum njerëzit me sjellje të përsosur,
që ecin sipas ligjit të ZOTIT!
Lum ata që mbajnë dëshmitë e tij,
që e kërkojnë me gjithë zemër,
që nuk kryejnë paudhësi,
por ecin në udhët e tij.
Ti ke dhënë porositë e tua,
që me përpikëri të ruhen.
Qoftë e palëkundur sjellja ime,
që rregullat e tua t'i ruaj.
Atëherë nuk kam për t'u turpëruar,
kur të këqyr gjithë urdhërimet e tua.
Do të të përlëvdoj me zemër të dëlirë,
teksa mësoj vendimet e tua të drejta.
Rregullat e tua do t'i ruaj,
mos më braktis krejt!