Psalms 103:13-19

Siç i dhimbsen bijtë një ati,
ashtu i dhimbsen ZOTIT ata që e druajnë.
Se ai e di si jemi krijuar,
nuk harron që jemi pluhur.
Ditët e njeriut janë si bari,
ai lulëzon si lulja e fushës.
Fryn era dhe e shuan,
nuk dihet as ku ka qenë.
Por mirësia e ZOTIT mbetet përjetë e në amshim për ata që e druajnë
dhe drejtësia e tij për bijtë e bijve të tyre,
për ata që mbajnë besëlidhjen e tij,
që zbatojnë pa harruar porositë e tij.
ZOTI e ka vendosur fronin në qiell,
mbretëria e tij sundon gjithçka.