Proverbs 3:5-12

Beso në ZOTIN me gjithë zemër
e mos u mbështet në zgjuarsinë tënde.
Mendo për të në të gjitha udhët e tua
e ai do të t'i drejtojë shtigjet.
Mos të të duket vetja i urtë,
por druaj ZOTIN e largohu nga e keqja.
Kjo do të jetë shërim për trupin tënd
e freskim për eshtrat e tua.
Ndero ZOTIN me tërë begatinë tënde,
me frytet e para të çdo të vjele,
se drithnikët e tu do të mbushen plot
e vozat e tua do të pëlcasin nga vera.
Biri im, mos e shpërfill mësimin e ZOTIT
e mos u bezdis nga qortimi i tij,
se ZOTI e ndreq atë që e do,
porsi një atë birin e dashur.