Jeremiah 17:7-10

Bekuar njeriu që në ZOTIN beson,
besimi i të cilit është ZOTI vetë.
Do të jetë si pemë e mbjellë ndanë ujit,
që rrënjët drejt rrjedhës i shtrin.
Nuk do t'i trembet zhegut që vjen,
e gjethet do t'i harlisen.
Në vitin e thatësirës nuk do ta zërë brenga
e nuk do të reshtë së dhëni fryte.

Më mashtruese është zemra se çdo gjë,
e pashërueshme është ajo,
kush mund ta kuptojë?
Unë, ZOTI, shqyrtoj zemrën,
hetoj veshkat,
për t'i dhënë secilit sipas sjelljes së vet,
sipas frytit të veprave të veta.