Matayo 9
9
OYesu akutamba omulwaire wa kusarala
(Mak 2:1-12; Luk 5:17-26)
1Awo oYesu nʼatemba obwato, nʼayambuka, nʼaira omu kibuga kya waabwe. 2Awo abasaiza abamwei ni bamuleetera omusaiza eyaali asaraire. Baamuleetere abbasirye oku kaara. OYesu niyaboine nga balina okwikiriza, nʼakoba eyasaraire, “Mwana wange, guma omwoyo, ebibbi byamu bikusaasiirwe.”
3Awo abamwei oku beegesya bʼamateeka ni bakobangana bati, “Oni akuzuma oKanca.”
4OYesu niyeetejerye ebirowoozo byabwe, nʼabakoba ati, “Lwaki mukulowooza okubbi omu mitima gyanywe? 5Ekikusingaku obwangu nikyo kiri ayi, okukoba nti, ‘Ebibbi byamu bikusaasiirwe,’ oba nti, ‘Yemeera otambule?’ 6Ati leka mbalange nti oMwana wa Muntu alina obuyinza oku nsi okusaasira ebibbi.” Awo nʼakoba asaraire ati, “Yemeera, weetiike akaara kaamu, oireyo e waanywe.”
7Omusaiza oyo nʼaimuka, ni yeetiika akaara kaamwe nʼairayo e waabwe. 8Abantu nibaaboine ekyo, ni batiina, ni bawaisya oKanca eyawaire abantu obuyinza nkʼobwo.
OYesu akweta oMatayo
(Mak 2:13-17; Luk 5:27-32)
9Awo oYesu niyaligire omu kifo ekyo, nʼabona omusaiza eyayetebwanga Matayo, naikaire webasorooleerya omusolo. Nʼamukoba ati, “Nsengeerya.” OMatayo nʼaimuka, nʼamusengeerya. 10OYesu niyaali omu nyumba ya Matayo naikaliire akulya, abasoroorya ba musolo abaingi nʼabasiisi abandi ni baiza, ni baikala naye nʼabeegesebwa baamwe okulya. 11ABafarisaayo nibaaboine ekyo, ni bakoba abeegesebwa ba Yesu bati, “Lwaki omwegesya waanywe akulya amwei nʼabasoroorya ba musolo nʼabasiisi?” 12OYesu niyabawuliire, nʼakoba ati, “Aboomi tibataka musawu, abalwaire nibo bamutaka. 13Baitu mwabe mwetegereze amakulu ga kigambo kini nti, ‘Ekisa nikyo nyendya baitu ti biwongwa.’#Kos 6:6 Abaikiiri ti nibo naizire okweta, naizire kweta basiisi.”
OYesu bakumubuulya oku kusiiba
(Mak 2:18-22; Luk 5:33-39)
14Awo abeegesebwa ba Yokaana ni baiza egiri oYesu, ni bamubuulya, “Lwaki iswe, nʼaBafarisaayo tusiiba emirundi gingi, baitu abeegesebwa baamu ni batasiiba?” 15OYesu nʼairamu ati, “Abeete oku bugenyi bwa bugole tibasobola kukwatwa naku ngʼasweire omugole acaali na bo. Baitu ebiro biriika asweire omugole abaiyibweku, obwo nimwo balisiiba. 16Omu lugoye olukaire, omuntu tabaziiramu kiraka kiyaaka, kubba nikyemiima kyonola olugoye, ekiwulu ni kyeyongera obukooto. 17Era oiyeera wa viini, tasukibwa mu nsawu za byanzo ezikaire. Kini nikikolebwa, azikaakula nʼasukuka nʼensawu ni zisiisikala. Baitu oiyeera oyo asukibwa mu nsawu ziyaaka, bikali byombi nimwo bikuumibwa kusai.”
Omwara wa Yayiro nʼomukali omulwaire wʼakajwisyo
(Mak 5:21-43; Luk 8:40-56)
18OYesu niyaali acaabaza ebyo, omwebemberi wa ikumbaaniro nʼaiza nʼakubba amajwi omu maiso gaamwe, nʼakoba ati, “Omwara wange yaakafa, baitu iza omuteeku mikono, yairizibwa.” 19Awo oYesu nʼaimuka, nʼayaba naye, amwei nʼabeegesebwa baamwe.
20Omu bwire obwo, omukali eyaali alwaire akajwisyo okumala emyaka ikumi nʼebiri, nʼaiza e nnyuma wa Yesu. Omukali oyo nʼakwata oku mugo gwa kizwalibwa kyamwe, 21kubba yakobere omu mutima gwamwe nti, “Ninakwata oku kizwalibwa kyamwe, nawona.”
22OYesu niyayindukire nʼamubona, nʼakoba ati, “Mwala we, guma omwoyo, olwa kwikiriza kwamu otambirwe.” Omukali nʼawona omu kaseera ako.
23OYesu niyaikire ewa mwebemberi wa ikumbaaniro, nʼabona abakufuuwa emirere egya kukungubaga, era abantu boona boona nibakuborooga. 24Nʼakoba ati, “Muligewo. Omwala tafiire, awungukirembe.” Baitu bo ni bamusekeera. 25Abantu nibaamaare okupekebwawo, oYesu nʼaingira omu kisiika kya mwala, nʼamukwata omukono, omwala nʼayemeera.
26Amawuro ago ni gaika woona woona omu kitundu ekyo.
OYesu akutamba abaigali ba maiso ababiri
27OYesu niyaligire eyo, abaigali bʼamaiso babiri ni bamusengeerya nibakwamiira bati, “OMwizukulu wa Dawudi, tukwatirwe ekisa!”
28OYesu niyaikire omu nyumba, abaigali ba maiso abo ni baiza waali, nʼababuulya ati, “Mukwikiriza nti nkusobola okukola kini?” Ni bamwiramu bati, “Mukama, tukwikiriza!” 29Awo nʼakwata oku maiso gaabwe, nʼakoba ati, “Kibakoorwe nka nimwikiriize.” 30Amaiso gaabwe ni gaiguka. OYesu nʼabakunkuniza nakukoba ati, “Mutasubiiraku muntu gonze omwei!”
31Baitu bo ni bawuluka, ni batwala omu kitundu ekyo kyona kyona amawuro agakufa oku Yesu.
OYesu akutamba okibbubbu
32Abaali abaigali bʼamaiso nibaali bakuwuluka, abantu abandi ni bamuleetera omusaiza okibbubbu, ngʼaliku omuzumu.
33OYesu niyamupekereku omuzumu ogwo, okibbubbu nʼabaza. Abantu ni beewuunya, ni bakoba bati, “Ekintu ekikwisana kiti tikibonwangaku omu Isirairi!”
34Baitu aBafarisaayo ni bakoba bati, “Emizumu agipeka nakukolesya buyinza bwa mukulu waagyo.”
OYesu akukwatirwa abantu ekisa
35OYesu nʼayakalayakala omu bibuga nʼomu byalo byona, nakwegesya omu makumbaaniro gaabwe, nakubuulira abantu Amawuro Agasai aga bukama bwa mwiguru, amwei nʼokutamba obulwaire bwona nʼobwongi bwona omu bantu.
36Niyaboine abantu abanyamwingi, nʼabakwatirwa ekisa, kubba baali basobeirwe nga ndoowo akubajuna, nibali nkʼentaama ezinyambula muliisya. 37Nʼakoba abeegesebwa baamwe ati, “Ebyakukungula bingi, baitu abakesi badooli. 38Ale ati musabe oMukama wa kukungula atume abakesi omu musiri gwamwe.”
Aktualisht i përzgjedhur:
Matayo 9: RUULI-NYALA
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Matayo 9
9
OYesu akutamba omulwaire wa kusarala
(Mak 2:1-12; Luk 5:17-26)
1Awo oYesu nʼatemba obwato, nʼayambuka, nʼaira omu kibuga kya waabwe. 2Awo abasaiza abamwei ni bamuleetera omusaiza eyaali asaraire. Baamuleetere abbasirye oku kaara. OYesu niyaboine nga balina okwikiriza, nʼakoba eyasaraire, “Mwana wange, guma omwoyo, ebibbi byamu bikusaasiirwe.”
3Awo abamwei oku beegesya bʼamateeka ni bakobangana bati, “Oni akuzuma oKanca.”
4OYesu niyeetejerye ebirowoozo byabwe, nʼabakoba ati, “Lwaki mukulowooza okubbi omu mitima gyanywe? 5Ekikusingaku obwangu nikyo kiri ayi, okukoba nti, ‘Ebibbi byamu bikusaasiirwe,’ oba nti, ‘Yemeera otambule?’ 6Ati leka mbalange nti oMwana wa Muntu alina obuyinza oku nsi okusaasira ebibbi.” Awo nʼakoba asaraire ati, “Yemeera, weetiike akaara kaamu, oireyo e waanywe.”
7Omusaiza oyo nʼaimuka, ni yeetiika akaara kaamwe nʼairayo e waabwe. 8Abantu nibaaboine ekyo, ni batiina, ni bawaisya oKanca eyawaire abantu obuyinza nkʼobwo.
OYesu akweta oMatayo
(Mak 2:13-17; Luk 5:27-32)
9Awo oYesu niyaligire omu kifo ekyo, nʼabona omusaiza eyayetebwanga Matayo, naikaire webasorooleerya omusolo. Nʼamukoba ati, “Nsengeerya.” OMatayo nʼaimuka, nʼamusengeerya. 10OYesu niyaali omu nyumba ya Matayo naikaliire akulya, abasoroorya ba musolo abaingi nʼabasiisi abandi ni baiza, ni baikala naye nʼabeegesebwa baamwe okulya. 11ABafarisaayo nibaaboine ekyo, ni bakoba abeegesebwa ba Yesu bati, “Lwaki omwegesya waanywe akulya amwei nʼabasoroorya ba musolo nʼabasiisi?” 12OYesu niyabawuliire, nʼakoba ati, “Aboomi tibataka musawu, abalwaire nibo bamutaka. 13Baitu mwabe mwetegereze amakulu ga kigambo kini nti, ‘Ekisa nikyo nyendya baitu ti biwongwa.’#Kos 6:6 Abaikiiri ti nibo naizire okweta, naizire kweta basiisi.”
OYesu bakumubuulya oku kusiiba
(Mak 2:18-22; Luk 5:33-39)
14Awo abeegesebwa ba Yokaana ni baiza egiri oYesu, ni bamubuulya, “Lwaki iswe, nʼaBafarisaayo tusiiba emirundi gingi, baitu abeegesebwa baamu ni batasiiba?” 15OYesu nʼairamu ati, “Abeete oku bugenyi bwa bugole tibasobola kukwatwa naku ngʼasweire omugole acaali na bo. Baitu ebiro biriika asweire omugole abaiyibweku, obwo nimwo balisiiba. 16Omu lugoye olukaire, omuntu tabaziiramu kiraka kiyaaka, kubba nikyemiima kyonola olugoye, ekiwulu ni kyeyongera obukooto. 17Era oiyeera wa viini, tasukibwa mu nsawu za byanzo ezikaire. Kini nikikolebwa, azikaakula nʼasukuka nʼensawu ni zisiisikala. Baitu oiyeera oyo asukibwa mu nsawu ziyaaka, bikali byombi nimwo bikuumibwa kusai.”
Omwara wa Yayiro nʼomukali omulwaire wʼakajwisyo
(Mak 5:21-43; Luk 8:40-56)
18OYesu niyaali acaabaza ebyo, omwebemberi wa ikumbaaniro nʼaiza nʼakubba amajwi omu maiso gaamwe, nʼakoba ati, “Omwara wange yaakafa, baitu iza omuteeku mikono, yairizibwa.” 19Awo oYesu nʼaimuka, nʼayaba naye, amwei nʼabeegesebwa baamwe.
20Omu bwire obwo, omukali eyaali alwaire akajwisyo okumala emyaka ikumi nʼebiri, nʼaiza e nnyuma wa Yesu. Omukali oyo nʼakwata oku mugo gwa kizwalibwa kyamwe, 21kubba yakobere omu mutima gwamwe nti, “Ninakwata oku kizwalibwa kyamwe, nawona.”
22OYesu niyayindukire nʼamubona, nʼakoba ati, “Mwala we, guma omwoyo, olwa kwikiriza kwamu otambirwe.” Omukali nʼawona omu kaseera ako.
23OYesu niyaikire ewa mwebemberi wa ikumbaaniro, nʼabona abakufuuwa emirere egya kukungubaga, era abantu boona boona nibakuborooga. 24Nʼakoba ati, “Muligewo. Omwala tafiire, awungukirembe.” Baitu bo ni bamusekeera. 25Abantu nibaamaare okupekebwawo, oYesu nʼaingira omu kisiika kya mwala, nʼamukwata omukono, omwala nʼayemeera.
26Amawuro ago ni gaika woona woona omu kitundu ekyo.
OYesu akutamba abaigali ba maiso ababiri
27OYesu niyaligire eyo, abaigali bʼamaiso babiri ni bamusengeerya nibakwamiira bati, “OMwizukulu wa Dawudi, tukwatirwe ekisa!”
28OYesu niyaikire omu nyumba, abaigali ba maiso abo ni baiza waali, nʼababuulya ati, “Mukwikiriza nti nkusobola okukola kini?” Ni bamwiramu bati, “Mukama, tukwikiriza!” 29Awo nʼakwata oku maiso gaabwe, nʼakoba ati, “Kibakoorwe nka nimwikiriize.” 30Amaiso gaabwe ni gaiguka. OYesu nʼabakunkuniza nakukoba ati, “Mutasubiiraku muntu gonze omwei!”
31Baitu bo ni bawuluka, ni batwala omu kitundu ekyo kyona kyona amawuro agakufa oku Yesu.
OYesu akutamba okibbubbu
32Abaali abaigali bʼamaiso nibaali bakuwuluka, abantu abandi ni bamuleetera omusaiza okibbubbu, ngʼaliku omuzumu.
33OYesu niyamupekereku omuzumu ogwo, okibbubbu nʼabaza. Abantu ni beewuunya, ni bakoba bati, “Ekintu ekikwisana kiti tikibonwangaku omu Isirairi!”
34Baitu aBafarisaayo ni bakoba bati, “Emizumu agipeka nakukolesya buyinza bwa mukulu waagyo.”
OYesu akukwatirwa abantu ekisa
35OYesu nʼayakalayakala omu bibuga nʼomu byalo byona, nakwegesya omu makumbaaniro gaabwe, nakubuulira abantu Amawuro Agasai aga bukama bwa mwiguru, amwei nʼokutamba obulwaire bwona nʼobwongi bwona omu bantu.
36Niyaboine abantu abanyamwingi, nʼabakwatirwa ekisa, kubba baali basobeirwe nga ndoowo akubajuna, nibali nkʼentaama ezinyambula muliisya. 37Nʼakoba abeegesebwa baamwe ati, “Ebyakukungula bingi, baitu abakesi badooli. 38Ale ati musabe oMukama wa kukungula atume abakesi omu musiri gwamwe.”
Aktualisht i përzgjedhur:
:
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr