Matie Nelmuoyamma
Nelmuoyamma
Matie waa Yesu *hãalãbiloŋo (9.9; 10.3). U nyɛgãaŋ u sɛbɛ‑i a vii *Yuifubaa. U taa u taara u pigãaŋ-ba wuɔ nuharuŋgu si dii, Diiloŋ uŋ pãa nuŋgu‑i aa saaŋ *Koŋkortieŋo maŋ, u yaa Yesu‑i. Aa Diiloŋ uŋ waaŋ mamaŋ *Tobisĩcɔlɔnniŋ-sɛbɛ‑i-na, u yaa juɔ ji ce-ma hiere.
Yesuŋ huɔŋ dumaa, Matie duɔŋ u sɛbɛ‑i baa ku yaa‑i aa suonu-kuɔ baa u *batɛmu‑i ka cor baa *Sitãniŋ juɔ tuɔ taara u guɔl u gbeini‑i dumaa *hĩɛkuraaŋgu-na (sap. 1–4).
Ku huoŋgu-na, u dii u nuŋgu‑i Yesuŋ ciɛ u maacemma‑i dumaa *Galile‑i-na: U waaŋ Diiloŋ-nelma‑i baa nuɔmba‑i, aa sire jaamba‑i, aa donya *jĩnabaa-ba‑i nuɔmba yunni-na. U ciɛ gbɛrɛ-wɛima bɔi (sap. 5–18). U siire kusuɔŋ-nu'i a kã *Yerusalɛmu‑i-na ba ka ta ba ko-yo. Baŋ fiɛ ko-yo, Diiloŋo siire-yuɔ u temma‑i (sap. 19–28).
Yesu waaŋ nelma bɔi a kã *Diiloŋ-nellentesĩnni kũŋgu-na.
Matie huɔnu u sɛbɛ‑i sɔmma ndii: Bamaŋ hũyãa Diiloŋ-maama‑i baŋ saaya ba ta ba wuɔ dumaa (sap. 5–7). Yesuŋ puɔraa u *hãalãbiemba‑i ba ka waŋ *Diiloŋ-bãaŋgu maama‑i kusuɔŋ-nu (sap. 10). Gbãnɛini maŋ pigãaŋ Diiloŋ-nellentesĩnni‑i (sap. 13). Diiloŋ-dũŋ-baambaŋ saaya ba bel ba-naa dumaa (sap. 18), baa miwaaŋo tĩmmaŋ-maama‑i (sap. 24–25).
Aktualisht i përzgjedhur:
Matie Nelmuoyamma: cme
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2011, Wycliffe Bible Translators, Inc. All rights reserved.