MARKU 2
2
Yeesu ayësan nalab
(Mat 9.1-8; Lúk 5.17-26)
1Bi u par bi ngënu ngan, a Yeesu kaka witsa kafarnaum, a u mea na ci di kato; 2a bañaan bacumal bi ee júk aa tsëko tsënats cits, ŋal tsi pëlëman; a na ci tsi pëleents bukul përim. 3Balon bi tsi nul, a ba tsijiul niints nalab, ni bañaan babaakër lapii. 4Bi ba yilaants bi pëtsë pand nalab tsi Yeesu, undo ucumar kandënd bañaan, ba bualës kancoŋ, a ba ro baar amaban tsi Yeesu ci tsi, ba welaniul tsul ni pëyoongia pi na piintsëna pi. 5Bi Yeesu win bi uwak bukul, a na ja nalab: “abuk nji, ngëjubanu ajampësaa.” 6A u ka tsul balon bapican-ngëtsua, ban tsoar biki, a bu kë ja tsi ibats bukul: 7“We ka wun niintsi kë ñakan ank? Akar Nasien-batsi. Yën yëlan un pëjampësa ngëjuban, un cits wi Nasien-batsi baŋ?” 8Din a Yeesu me tsi uwejatsul ko wi ba ci wi tsi pëwejats, a na ja bukul: “We ka wun nda ci tsi pëwejats ngëko ngan tsi ngëwaas ind? 9We pe wun përaf, tsi pëja nalab: ‘Ngëjubanu ajampësaa,’ oo pëjaul: ‘Natsaan, jejan pëyoongiau kë yandaar?’ 10Maa pa ind pëme ne, Abuk ñaan-najin aka pëyëlan tsi umundu pa jampësa ngëjuban ...” A na ja nalab: 11“Man jau: Natsaan, jejan pëyoongiau kë tsëp katou.” 12Din, a na natsa tsi uyëk umënts wun, na jej pëyoongiaul a na pën tsi bërun bañaan bëlieng. A ba pikra bëlieng, bu kë bëndan Nasien-batsi koo ja: “Yaas a wund ka win ko pi wi!”
Yeesu arui Lewi
(Mat 9.9-13; Lúk 5.27-32)
13A Yeesu kaka tsëp di kambaŋ bërëk, a kandënd bañaan bi tsi nul, a nuu jukan bukul. 14Uparul, a na win Lewi, abuk Alfeu, atsoar tsi tsëko kaluk-uraasa; a na jaul: “Fetsin.” A Lewi natsa a na fetsul. 15Bi Yeesu tsoar bi bariala di kato Lewi, a bayep bëluk-uraasa bacumal, ni bajuban, ci tsi bariala ni nul, ni bafetsul; par bë cum mak, ban ci biki tsi pëfetsul. 16A ba bapican-ngëtsua ban bofëna biki tsi Bafariseu win bi Yeesu kë riala ni bajuban, ni bayep bëluk-uraasa, a ba ja bafetsul: “Aro um? Ka riala ni bayep bëluk-uraasa ni bajuban?” 17A Yeesu te ko wan, na ja bukul: “Bañaan bayësal fierats nacuunkan, maa ba maak biki fierul bukun; nji n biits përu bamabal, maa bajuban.”
Kabër-mlik
(Mat 9.14-17; Lúk 5.33-39)
18Bi bafets Joŋ bër bi mlik, ni Bafariseu, a balon bi ee ja Yeesu: “We ka wun a bafets Joŋ kë bër-mlik, ni bafets Bafariseu, maa bafetsu di ka bër-mlik?” 19A Yeesu yank bukul, aja: “Bañaan banduee biki a ba bi bënim, bë yëlan pëbër mlik uwal wi nayank-bënim wama wi ci ni bukul-a? Uci nayank-bënim wama ci ni bukul, bë yilaants pëbër mlik. 20Maa, uwal ka baandi, wi nayank-bënim kë pënana wi tsi bukul; din, tsi uwal umënts wun, bu ka bër-mlik.
21Ñaan di ka jej bëtawësar kaŋí kawalu na babëna kaŋí kacӓtsar; uci na ro ank ba, bëtawësar kaŋí kawalu ka taw kaŋí kacӓtsar kun, din kajín ka pe pëwaan. 22Te ñaan di ka tsu pëwat pëwalu di iraafa itël in tsaf yi. Na ro ank ba, pëwat ka mayan iraafa, në peetir pëwat ni iraafa bëlieng. Maa pëwat pëwalu ka tsuuna di iraafa itël iwalu.”
Ko wi ngëtsua ja wi tsi uleka Unu-pënaakësa
(Mat 12.1-8; Lúk 6.1-5)
23 #
Ulú 23.26
Tsi ulon Unu-pënaakësa, a Yeesu kë par tsi irig mmaaj; a bafetsul kë cët mmaaj utsëp bukul. 24A Bafariseu jaul: “Teenan-e! We ka wun bu kë ro ko u niiranaatsa wi përola tsi Unu-pënaakësa?” 25Yeesu yank bukul aja: “Nda layirëts koon këlayir ko wi Dawid ro wi-a? Bi na ci bi tsi ufier a na bonats, nul ni ban ci biki ni nul, 26#Ija 24.9#1Sam 21.2-7bi na niaj bi kato-kayëman, tsi uwal wi Abiatar ci wi nan pei pëci nawiak-bajakan; are upom ujënts, u niiranaatsa wi përea, ucits ba bajakan, a na wël ban ci biki ni nul.” 27A na ja bukul: “Unu-pënaakësa atsua undo ñaan-najin, maa ñaan-najin tsuaatsa undo Unu-pënaakësa. 28Unk, Abuk ñaan-najin, aci Ajug, te ŋal tsi Unu-pënaakësa.”
Aktualisht i përzgjedhur:
MARKU 2: KPKNT
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Le Nouveau Testament en langue Manjaku © Alliance Biblique du Sénégal, 2020.
MARKU 2
2
Yeesu ayësan nalab
(Mat 9.1-8; Lúk 5.17-26)
1Bi u par bi ngënu ngan, a Yeesu kaka witsa kafarnaum, a u mea na ci di kato; 2a bañaan bacumal bi ee júk aa tsëko tsënats cits, ŋal tsi pëlëman; a na ci tsi pëleents bukul përim. 3Balon bi tsi nul, a ba tsijiul niints nalab, ni bañaan babaakër lapii. 4Bi ba yilaants bi pëtsë pand nalab tsi Yeesu, undo ucumar kandënd bañaan, ba bualës kancoŋ, a ba ro baar amaban tsi Yeesu ci tsi, ba welaniul tsul ni pëyoongia pi na piintsëna pi. 5Bi Yeesu win bi uwak bukul, a na ja nalab: “abuk nji, ngëjubanu ajampësaa.” 6A u ka tsul balon bapican-ngëtsua, ban tsoar biki, a bu kë ja tsi ibats bukul: 7“We ka wun niintsi kë ñakan ank? Akar Nasien-batsi. Yën yëlan un pëjampësa ngëjuban, un cits wi Nasien-batsi baŋ?” 8Din a Yeesu me tsi uwejatsul ko wi ba ci wi tsi pëwejats, a na ja bukul: “We ka wun nda ci tsi pëwejats ngëko ngan tsi ngëwaas ind? 9We pe wun përaf, tsi pëja nalab: ‘Ngëjubanu ajampësaa,’ oo pëjaul: ‘Natsaan, jejan pëyoongiau kë yandaar?’ 10Maa pa ind pëme ne, Abuk ñaan-najin aka pëyëlan tsi umundu pa jampësa ngëjuban ...” A na ja nalab: 11“Man jau: Natsaan, jejan pëyoongiau kë tsëp katou.” 12Din, a na natsa tsi uyëk umënts wun, na jej pëyoongiaul a na pën tsi bërun bañaan bëlieng. A ba pikra bëlieng, bu kë bëndan Nasien-batsi koo ja: “Yaas a wund ka win ko pi wi!”
Yeesu arui Lewi
(Mat 9.9-13; Lúk 5.27-32)
13A Yeesu kaka tsëp di kambaŋ bërëk, a kandënd bañaan bi tsi nul, a nuu jukan bukul. 14Uparul, a na win Lewi, abuk Alfeu, atsoar tsi tsëko kaluk-uraasa; a na jaul: “Fetsin.” A Lewi natsa a na fetsul. 15Bi Yeesu tsoar bi bariala di kato Lewi, a bayep bëluk-uraasa bacumal, ni bajuban, ci tsi bariala ni nul, ni bafetsul; par bë cum mak, ban ci biki tsi pëfetsul. 16A ba bapican-ngëtsua ban bofëna biki tsi Bafariseu win bi Yeesu kë riala ni bajuban, ni bayep bëluk-uraasa, a ba ja bafetsul: “Aro um? Ka riala ni bayep bëluk-uraasa ni bajuban?” 17A Yeesu te ko wan, na ja bukul: “Bañaan bayësal fierats nacuunkan, maa ba maak biki fierul bukun; nji n biits përu bamabal, maa bajuban.”
Kabër-mlik
(Mat 9.14-17; Lúk 5.33-39)
18Bi bafets Joŋ bër bi mlik, ni Bafariseu, a balon bi ee ja Yeesu: “We ka wun a bafets Joŋ kë bër-mlik, ni bafets Bafariseu, maa bafetsu di ka bër-mlik?” 19A Yeesu yank bukul, aja: “Bañaan banduee biki a ba bi bënim, bë yëlan pëbër mlik uwal wi nayank-bënim wama wi ci ni bukul-a? Uci nayank-bënim wama ci ni bukul, bë yilaants pëbër mlik. 20Maa, uwal ka baandi, wi nayank-bënim kë pënana wi tsi bukul; din, tsi uwal umënts wun, bu ka bër-mlik.
21Ñaan di ka jej bëtawësar kaŋí kawalu na babëna kaŋí kacӓtsar; uci na ro ank ba, bëtawësar kaŋí kawalu ka taw kaŋí kacӓtsar kun, din kajín ka pe pëwaan. 22Te ñaan di ka tsu pëwat pëwalu di iraafa itël in tsaf yi. Na ro ank ba, pëwat ka mayan iraafa, në peetir pëwat ni iraafa bëlieng. Maa pëwat pëwalu ka tsuuna di iraafa itël iwalu.”
Ko wi ngëtsua ja wi tsi uleka Unu-pënaakësa
(Mat 12.1-8; Lúk 6.1-5)
23 #
Ulú 23.26
Tsi ulon Unu-pënaakësa, a Yeesu kë par tsi irig mmaaj; a bafetsul kë cët mmaaj utsëp bukul. 24A Bafariseu jaul: “Teenan-e! We ka wun bu kë ro ko u niiranaatsa wi përola tsi Unu-pënaakësa?” 25Yeesu yank bukul aja: “Nda layirëts koon këlayir ko wi Dawid ro wi-a? Bi na ci bi tsi ufier a na bonats, nul ni ban ci biki ni nul, 26#Ija 24.9#1Sam 21.2-7bi na niaj bi kato-kayëman, tsi uwal wi Abiatar ci wi nan pei pëci nawiak-bajakan; are upom ujënts, u niiranaatsa wi përea, ucits ba bajakan, a na wël ban ci biki ni nul.” 27A na ja bukul: “Unu-pënaakësa atsua undo ñaan-najin, maa ñaan-najin tsuaatsa undo Unu-pënaakësa. 28Unk, Abuk ñaan-najin, aci Ajug, te ŋal tsi Unu-pënaakësa.”
Aktualisht i përzgjedhur:
:
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Le Nouveau Testament en langue Manjaku © Alliance Biblique du Sénégal, 2020.