Fjalët e urta 13:16-21

Çdo i ftilluar vepron me zgjuarsi, por i pamendi rrezaton marrëzi. Lajmëtarin e paudhë e zë e keqja, por lajmësi besnik sjell shërim. Skamje e turp për kë shpërfill rregullin, por kush e zbaton qortimin, do të nderohet. Një dëshirë e plotësuar e lumturon njeriun, por të marrët as që duan të heqin dorë nga e keqja. Rri me të urtët e do të bëhesh i urtë, por kush rri me të marrët do ta pësojë. Mëkatarët i përndjek e keqja, ndërsa të drejtët do të shpërblehen me të mira.