Zanafilla 39:20-23

E mori Jozefin dhe e futi në burg, aty ku mbaheshin të burgosurit e mbretit. Jozefi mbeti në burg, por ZOTI ishte me të. Zoti pati mëshirë për të, prandaj komandanti i burgut e mori me sy të mirë. Ky ia besoi Jozefit të gjithë të burgosurit që ishin në burg e ai u bë përgjegjës për çdo gjë që bëhej në atë vend. Komandanti nuk kujdesej më për asgjë nga ato që kishte lënë në dorë të Jozefit, sepse ZOTI ishte me të dhe çdo gjë që Jozefi bënte, ZOTI ia sillte mbarë.